燒烤堂 (Moved) New Location

一直喜歡吃串燒，喜歡那種邊吃邊跟朋友聊天的愜意，天南地北的聊，不亦樂乎。今天剛巧跟朋友食飯，因為有太多嘢要交流，所以特別選擇我最喜歡的串燒，知道燒烤堂係上環開咗分店，所以特別來試一試。串燒選擇多，除了日本口味，還有四川、泰式及港式口味的串燒，各有特色，立即選擇困難症發作，以下係部分食物：🔸焦糖饅魚玉子燒此於一般串燒較為少見，將玉子包著鰻魚再燒，令玉子外表有少少脆，而內裏還保持嫩，非常好食🔸麻辣雞中翼麻辣兼備，但又唔會辣到一直留在口腔咁，幾惹味😋🔸厚切鹽燒牛舌腩牛舌厚切有口感之餘又唔硬，調味入味, 十分juicy 🔸汁燒煙韌年糕卷呢個要快食，熱焫焫時外脆內軟，雙重口感🔸焦糖青蘋果鵝肝多士超大塊鵝肝，2個人share 剛剛好，焦糖青蘋果帶少少酸味中和咗鵝肝的肥膩感🔸明太子/蟹膏燒飯團超愛明太子，見到有明太子燒飯團必點，但蟹膏燒飯團又較少見，所以唔使煩點晒2款🤣，黎到見到個飯團超大個，飯團是已經混和調味的，烤到2 面香脆再在上邊塗滿明太子醬/蟹膏，2款都好好食，明太子微辣好惹味，而蟹膏則充滿蟹膏的鮮味。總結：餐廳環境闊落，食物選擇多及有質素，價錢以中環計合理，適合兩三知己聚會。