12燒

Open Now

Now Closed

串燒除咗要燒得靚，個調味醬汁真係靈魂所在㗎💗喺葵芳廣場嘅「12燒」有成12種調味醬汁可以揀🫶🏻包括有椒鹽、孜然丶蜜糖丶沙茶丶黑椒丶沙嗲丶蒜蓉丶鹹蛋黃丶泰式汁丶麻辣丶避風塘丶燒汁，落單時自選醬汁，鍾意點配搭都得🤤店裡以黃丶黑色為主調，又sharp 又整潔。串燒選擇有好多，午餐有「自選串燒五串」（$65）抵食呀！可以選$16或以下嘅串燒，其他串燒（除咗推介嗰啲），只要補回差價都可以點㗎💗🔶 韭菜揀咗孜然味，味道啱啱好，唔會太搶。韭菜入味多汁。🔶魷魚鬚揀咗椒鹽，魷魚鬚入口彈牙鮮味。🔶牛舌1串有2件牛舌👍🏼配咗麻辣味，肉質好彈好滑，有質感。🔶燒香蕉原條燒香蕉🍌燒過之後蕉味更濃更香甜，仲有少少焦糖面。🔶燒菠蘿1串有4件，菠蘿超多汁，加埋焦糖脆面滿有口感。