Video
Read full review
2017-06-08
1326 views
串燒呢家野，真係男人既浪漫之一。之前番大陸做野，同班同事係街邊檔食串燒，每串都係2蚊至5蚊，一路食一路飲酒真係好爽。番到香港，想食好食既串燒又真係要搵搵先得！見到間野叫南蠻亭，第一刻就起諗起南蠻炸野同埋串燒。襯住星期二，就約埋班巴打一齊去食啦！用膳區可以望到師父即場燒烤，見到人地食既野就忍唔住想叫黎試下每人都有碟海鹽同埋甜味噌醬去蘸串燒食青芥末雞肉串雞肉燒得幾嫩又有肉汁，而上面既青芥末醬甜甜地，食落會覺得好香，中和左肉味的膩，唔錯。(左)鮮露筍豬肉串 (右)厚燒牛舌露筍勁嫩，一D渣都冇，呢點真係勁重要！而豬肉既油脂加到落去露筍到，好香！牛舌一向都係我食串燒最愛既食物Top3！呢個牛舌都相當出色下。有幾好食？好簡單！厚切，腍身，表面燒得焦脆，咬落去好多肉汁，簡單既要求，出色既作品燒日本青椒仔係青椒仔入面塞入了明太子，食落唔會覺得辣，反而咸咸地甜甜地，幾得意鱈魚棒烤得脆脆地，本身味道帶甜，加上沙律醬。用黎送啤酒一流haha燒羊皮串呢一道串燒真係幾得意，第一次聽人食羊皮係用串燒既方法去present。平時食羊皮最多都係食羊腩煲個時食。燒得好香口，食落去有少少羊膻味(最鍾意！)，而且羊皮重帶有
番到香港，想食好食既串燒又真係要搵搵先得！
見到間野叫南蠻亭，第一刻就起諗起南蠻炸野同埋串燒。襯住星期二，就約埋班巴打一齊去食啦！
用膳區可以望到師父即場燒烤，見到人地食既野就忍唔住想叫黎試下
每人都有碟海鹽同埋甜味噌醬去蘸串燒食
青芥末雞肉串雞肉燒得幾嫩又有肉汁，而上面既青芥末醬甜甜地，食落會覺得好香，中和左肉味的膩，唔錯。
(左)鮮露筍豬肉串 (右)厚燒牛舌露筍勁嫩，一D渣都冇，呢點真係勁重要！而豬肉既油脂加到落去露筍到，好香！
牛舌一向都係我食串燒最愛既食物Top3！呢個牛舌都相當出色下。有幾好食？好簡單！厚切，腍身，表面燒得焦脆，咬落去好多肉汁，簡單既要求，出色既作品
燒日本青椒仔係青椒仔入面塞入了明太子，食落唔會覺得辣，反而咸咸地甜甜地，幾得意
鱈魚棒烤得脆脆地，本身味道帶甜，加上沙律醬。用黎送啤酒一流haha
燒羊皮串呢一道串燒真係幾得意，第一次聽人食羊皮係用串燒既方法去present。平時食羊皮最多都係食羊腩煲個時食。
燒得好香口，食落去有少少羊膻味(最鍾意！)，而且羊皮重帶有少少肉，唔會只係食到肥的口感，整體味道都幾豐富。
燒飯糰(梅)差唔到到結尾，都係要食番少少飯先夠喉叫左個燒飯糰，慢烤的飯糰表面烤得香脆，入面梅子的味道同飯都幾Match，唔會太酸。加埋脆卜卜的紫菜，唔錯既組合
叫得南蠻亭，點可以唔叫番個南蠻炸雞呢？呢度炸雞朋友一致同意話最好食既！表面炸得夠乾身，加上雞肉的Size夠厚身，入面保留到雞汁。唔錯唔錯
Post
