南亭 (士丹頓街) (Closed)

環境4分：日式居酒屋格局，有吧位同散枱，坐吧位直頭見住個爐，睇住師傅响廚房入面煮野食，可以畀四分。衛生4分：廚房超級乾淨，男女同厠都好完全唔污漕，衛生可以畀四分。服務5分：樓面服務員落單，上菜，換碟爽手又唔囉唆，仲不停加茶，畀佢滿分。味道5分：1)      前菜蔬菜條有青瓜，紅蘿蔔，椰菜，蘿蔔，好新鮮同爽脆。2)      厚切牛舌芯厚身得嚟唔韌，有肉汁，係又爽又潤。3)      雞翼短短肥肥非常厚肉，燒到外面雞皮脆卜卜，入面雞肉好嫩滑。4)      雞皮燒得好香脆，唔油膩又帶爽。5)      雞尾外脆內潤好嘢味。6)      雞皮蝦大葉卷真係好特別，用塊葉包住隻蝦，出面再拉長塊雞皮包多一層先燒，隻蝦好爽口好彈牙，塊雞皮非常之咁脆同乾身，一D都唔油，果塊葉嘅香味好清新，好好食。7)    燒豆腐長長方方份量都算大塊，一樣都係燒到外面脆入面軟，又健康又好食。8)      日本和牛他他燒一上枱大約有成20小塊，加埋底層Ｄ洋蔥一齊食，解左和牛果種油脂，非常之好嘅配搭。9)      燒芝士年糕個表皮好乾身，入面煙韌流心，冇得輸。抵食5分：日式正宗串燒價錢一定有番咁上下，呢度仲可以