心一 · 影

Open Now

Now Closed

今日同朋友一齊去食呢間位於灣仔嘅omakase朋友講先知呢間餐廳原來除左食壽司刺身嘅omakase,仲有串燒嘅omakese今次就試下佢個串燒omakese前菜有薯仔沙律，鮑魚同燒酒蘿蔔刺身有鰤魚，立魚，八爪魚腳臂 同蓮藕漬刺身食得出好新鮮，八爪魚腳臂一啲都唔韌，配埋少少Wasabi 食，好正。到燒物方面燒腩肉外皮燒得香脆，食落有油香但唔會油膩。餐廳對上菜嘅順序有心思排過，食完腩肉就上左碟燒蔥，食個蔥會fresh 返。雞肉棒同外面食嘅唔同，佢熱辣辣而且食到雞肉嘅味，好食過 其他舖頭 同類型嘅雞肉棒。燒北海道粟米，甜甜鹹鹹，秋冬食特別好食。最後一樣好值得讚嘅係，食串燒最怕食到自己一大陣串燒味，但呢度係阻隔油煙方面做得好好，食完基本上個身都唔會有味。