Video
11-min walk from Exit A2, Exhibition Centre Station
continue reading
Telephone
21215199
Introduction
[心一] 和 [影] 兩個概念均注重「色、香、味、器，法」五者的和諧統一，要求色自然、味鮮美、形多樣、器精良、法配搭。
continue reading
Opening Hours
Today
11:30 - 15:00
18:00 - 01:00
Mon - Thu
11:30 - 15:00
18:00 - 23:00
Fri - Sat
11:30 - 15:00
18:00 - 01:00
Sun
11:30 - 15:00
19:00 - 22:30
Public Holiday
11:30 - 15:00
19:00 - 22:30
Above information is for reference only. Please check details with the restaurant.
About Reward Scheme
從京都回來後一直都想念當地嘅美味，呢個城市太多過百年歷史嘅餐廳，估唔到番黎之後，竟然係一間香港餐廳可以食到全京都嘅料理。今次來嘅原因，因為請到兩間京都百年老店嘅主廚過黎，餐廳以魚三楼嘅荒木裕一朗同嵐山京都料理鳥米嘅田中良典設計咗一個時令嘅料理Menu。第一道菜係煮物碗，其中一件係清蒸鮮蝦，木耳・銀杏・白魚，用上京都嘅天然水煲左個清湯，魚蝦肉整碎成為一個蝦球，入面加上木耳，銀杏，食完飲一口湯，加上清新嘅菜青味，又因為用上係京都嘅軟水，很清甜，而蝦球口感好豐富。碗物入面有蒸鮑魚・小松菜・松葉黄柚子，鮑魚那感覺絕對係做得非常精準，加上來自日本的新鮮小松菜，同味道勁清新嘅松葉黄柚子，整體味道昇華了很多。常說料理一定會用上當日最當做的食材，當日早上先到的馬鮫魚，用上白麵豉腌左簡單15分鐘，之後用上特別嘅板燒，旁邊配上了京都嘅燒丹波栗子。燒魚個皮可以好脆，但唔會燒到魚令到魚質太乾，但佢嘅魚質好軟熟，非常精彩。佢嘅湯品用上了豆腐・栗麩・京都段水菜・黑七味多種不同嘅配料去煲，來到已經見師傅不停調教個味道，入口那刻同平時嘅麵豉湯非常不同，但最重要係件豆腐真心好好食。日本京都料理傳統最出名係漬物，送上主食前有幾件漬物，就咁食可能未必欣賞，但送湯送飯就立刻多左好幾個層次。京都產嘅縜光米，師傅提醒我哋就咁要食一啖飯，吃到了係佢嘅煙韌度仲有甜美，那一刻感受到嘅係佢地食材嘅精彩。之後就係照燒雞，個燒汁同方法用上了田中良典屋企儲存過百年嘅方式去做呢道料理，當然唯一嘅分別就係佢用唔到京都嘅雞肉，但食落去都感受到那股獨特嘅味道，食完即刻好想去原店試一次佢本身嘅水準。甜品有時令水果，京丹後梨同靜岡蜜瓜 ，仲有用上京都唯一一支白酒整嘅啫喱，整體甜度都係來自當地嘅生果。由於朋友認識餐廳嘅老闆所以先carry到我食下，當日仲見到京都府農林水產同京都料理芽生會嘅栂森勇輝，佢哋致力推廣京都嘅美食同文化，當日仲帶左當地先有嘅京都宇治綠茶俾我哋試，食咗幾樣嘢都感受到餐廳對於推廣京都嘅美食都好落力，當日餐廳亦都好爆 ，下次要研究過嚟再食返一餐正式嘅京都料理。心一 · 影 (灣仔)灣仔軒尼詩道318號永倫立方1樓A號舖
continue reading
近排工作太忙，好需要高質Me time。今晚揾左間環境chill、氣氛正的日式餐廳食晚飯，同大家分享下😊。All-Day Bench Menu $438/位✨為客人特設✨🔸酒漬鮑魚酒味不會過重，爽口彈牙得來有點點酒香。🔸松葉蟹肉沙律配意式醋汁蟹肉量不少，沙律非常新鮮，配上酸甜的意式醋汁，食完十分清爽，幾fresh👏🏻🔸鹿兒島A4和牛壽喜燒小鍋和牛非常大塊及滑嫩，內裏還有鴻禧菇、金菇及蒟蒻等配料，吸滿微甜的湯汁，超級入味😍✨刺身✨🔸三文魚🔸鯛魚🔸赤蝦非常新鮮，三文魚超級厚切，鯛魚鮮甜無比，赤蝦晶瑩剔透，大隻彈牙，質素很高🤩✨前菜✨濃濃和風味，以日式食盒呈現，擺盤十分漂亮，儀式感滿滿。🔸帶子裙邊最佳小食前菜，非常惹味🔸 八幡魚餅兩小口，小食多滋味😍還搭配清爽的牛蒡，層次豐富。🔸 炸竹筍雞肉餅🔸 炸芝士雞肉卷炸物非常出色，前者咬開仍有肉汁，竹筍的鮮甜，非常醒神。後者芝士呈半融的狀態，鹹香味十足，真的平分秋色。🔸 紅燒鲱魚壽司魚味非常濃郁，與白飯一起進食，達到很好的平衡。🔸玉子燒有點布丁的感覺，非常Creamy。🔸燒魷魚軟骨乾🔸 日式炸薯角魷魚軟骨乾真的第一次食，非常酥脆，是很好的下酒菜😂搞到我有啲想飲啤酒。✨串燒✨🔸茄子🔸雞脾菇🔸雞翼能看到師傅在你面前預備，氣氛很好。茄子上有櫻花蝦及鏗魚乾，香氣十足。雞髀菇大塊，淋上燒汁，非常Juicy。最令人驚喜的是雞翼，熱辣辣超級飽滿，啖啖肉超爆開心。✨主菜✨🔸雞肉大板燒超多款式可選擇，真的可以滿足你願望。好似我咁心癮起，想食大阪燒都食到😂雞肉調味剛剛好，大量清爽的椰菜，配上燒汁，真的非常好味😍✨季節甜品✨是日甜品是抹茶奶凍，令我印象十分深刻。抹茶味香濃、奶凍非常軟滑，搭配鮮甜的士多啤梨，作為飯後甜品，食完覺得好滿足。餐廳氣氛十分舒適，吧枱型格得嚟又令人很放鬆。服務員十分有經驗，會在你有需要的時候出現，又給予你適當的空間，拿捏程度簡直是滿分，真的讓我渡過了一個非常開心嘅晚上😍😍。想睇更多介紹，馬上Follow我啦😁。#big_big_foodie #big_big_foodie食勻灣仔#big_big_foodie食勻香港
continue reading
放工又喺公司附近搵嘢食，搵到呢間只要用$438就可以食足15道菜嘅餐廳🥰 包括有刺身、前菜、串燒、主菜同甜品🫶🏻 cp 值好高👍🏻Special 酒漬鮑魚 - 食落軟熟彈牙❤️雜錦魚生他他 - 入面超多吞拿魚🥰和牛壽喜燒小鍋 - 細細份，份量啱啱好，因為我唔食牛，佢哋仲好好轉左豬肉俾我👍🏻 前菜🥗燒鱈魚片- 食落超香脆，仲配埋沙律醬😍枝豆玉子燒- 食落軟熟有蛋香☺️炸蟹肉可樂餅- 入面超多一絲絲蟹肉🥰合桃小女子- 合桃加小魚乾，合桃香甜香脆😍赤飯-紅豆飯配咗爽脆嘅黃色明太子☺️係紅豆飯鮟鱇魚肝醬多士- 鮟鱇魚肝夠咸香再配左香脆嘅多士❤️刺身三文魚鯛魚赤蝦新款刺身都好新鮮🥰串燒🍡雞翼紫洋蔥茄子我自己就最鍾意雞翼，一咬落口啲油香咇晒可能係出嚟，雞翼肉嫩多汁❤️主菜🍗西班牙紅蝦松露天使麵 （+$98）原來呢個係凍食嘅，天使麵裏面勁多黑松露醬，食落味道好濃郁，再配紅蝦好夾🫶🏻甜品🍮紅豆抹茶布甸抹茶布甸抹茶味濃郁，口感香滑❤️
continue reading
2193 views
幾次過完海經海底隧道出黎，都見到伊利莎伯大廈外牆上大大個廣告牌，介紹灣仔「心一 · 影」嘅週末早午餐有「Dom Pérignon」放題！上網查証過，發現任飲限時兩小時，$2,118/位（另收加一服務費）即等同香檳王零售價枝半左右，深覺幾抵玩，所以就約同檳友們狂歡一番！灣仔新過吓嘅餐廳佔用面積全層，步出𨋢門已可見到水吧擺出強而有氣勢嘅Dom Dom陣！享用早午餐嘅貴客均被安排入座於左方嘅一間大房內，二至多人合拼式散座分佈得都幾開，通爽衛生。專用區域光線充裕，開揚闊落，除咗設有洗手間之外，仲有個梳化位客廳，十分舒適。室內並無花巧之裝潢，玻璃吊燈時尚雅緻，簡單嘅燈籠、窗簾及餐墊設計自然地流露出日系畫風。每位席上都擺有自用餐具及餐牌。兩頁餐牌中英對照，簡單易明。放題用餐時間為中午十二點至下午三點，最後落單時間為下午兩點半。如果選擇唔飲香檳，淨食單價為$438/大人、$268/小童（年齡限3至11歲）；如欲任飲清酒、啤酒、紅酒、白酒可另加$238/位；如欲任飲果汁及汽水則另加$98/位。無限追加項目包括各式前菜、刺身、串燒；其餘嘅魚子醬海膽蕎麥素麵、自選主菜、日式季節點心三點、甜品拼盤則每人只有一客。香檳群組一到齊，經理哥哥迅即開Dom Dom兼計時。香檳王酒色清亮，芳香馥鬱，炎炎夏日尤其爽妙！餐廳刻意安排頭輪前菜、刺身、串燒每樣都上少少先，之後再交由食客追加自己喜愛嘅款式。第一碟前菜拼盤中，右方嘅幾款漬物爽脆開胃，枝豆都好清脆，不過個雞肉八幡卷就乾嚡咗啲，芥辣八爪魚個辣味有啲過搶。椰菜蟹籽沙律尚算清爽嘅。炸至金黃嘅日式炸雞皮層香脆，個人只係略嫌雞件厚肉得黎偏咗少少實。炸雞軟骨嘅色澤睇落似係千年油炸出，咬落層炸漿遠比炸雞厚硬，略為失色。三色刺身中，帆立貝算係中規中矩。橙白紋理鮮明嘅三文魚香甜柔潤，油甘魚則鮮爽肥美，屬整頓追加之冠！串燒共有五款，其中只有一串肉同一串海鮮，選擇比較少兼且唔係咁精彩！三種蔬菜索得最多油，不吃也吧。魷魚勁韌，最正就係彈牙多汁嘅雞腿肉！成餐飯嘅高潮位唔係主菜，而係中途出現嘅魚子醬海膽蕎麥麵！意日混血兒金黃亮麗，擺盤精美尤甚，有效地刺激食慾。蕎麥麵條軟韌Q彈，海膽忌廉秘醬份量恰到好處，混入幼嫩嘅海膽及以金箔點綴嘅魚子醬，交織出嘅鮮濃與芬芳令味蕾於口腔內翩翩起舞，美妙極！主菜各有各點，食肉獸徒弟仔欣賞炭燒澳洲和牛封門柳夠鬆潤，唯一冇得追加感覺份量就少咗啲，畢竟發育中嘅男孩胃口特別好。靚靚媽咪話早午餐菜菜不多，沙律唔夠綠時啲串燒又好油，主菜就揀咗個暖胃嘅日本季節野菜鍋。XO仔所點嘅黑部之糸和牛蕎麵素麵不單隻碗夠大，藏於肉底仲有修長量足嘅素麵，個湯底仲好夠清。如相所示，浸至三四成熟嘅和牛片都有成四大片，靚牛軟滑到半溶於舌上，超！結尾嘅甜品環節夾硬每人有份三色拼盤，其實都好難消化；或許小肥頭腦比較簡單，飲完香檳最想食嘅甜品係朱古力，點知拼盤入面竟然冇朱古力！拼盤中以右上角兩塊柿柿最輕巧清甜。見到中間件紅豆芝士蓉最中餅咁大舊其實已經嚇驚咗，食落仲好溜滯。右上角件綠茶蛋卷偏乾且唔得鬆，入面嘅忌廉更毫不軟滑，飲咗咁多酒酒都覺得似係隔夜貨色，有被迫浪費食物之嫌囉！樓上日式料理「心一 · 影」格調優雅，環境絕對一流！貌似G4嘅服務生帶哂耳機，效率高又有耐性，斟酒仲要冇留手，好客專業得很！唯一食物質素略為參差，唔飲酒的話，$438/位嘅價位倒不如去酒店食自助餐，但基如自己$2,118/位包埋兩個鐘任飲Dom Dom喎，空肚入場食到三點，有醉意得黎連晚飯都可以唔食，即一餐頂三餐，抵食指數直令酒鬼們「檳」至如歸！
continue reading
餐廳環境寬敞，氣氛優美有情調，有多個食物主題用餐區，服務非常好。今次嚐試了Omakasa, 有十多款不同的壽司，還有鮟康魚魚肝，非常美味，份量充足，期待下次再試。
continue reading