鮮‧港式串燒吧 (Moved) New Location

唔知係咪樂極忘形得濟，食完個晏竟然跌爛左部電話，即刻過隔離ＡＰＭ睇下有無得救返啦。好彩藍精靈話部機只係個ＭＯＮ爆左同埋花左啲而已，咁無辦法啦鬼叫自已唔小心咩。搞完一大輪之後，部機要留宿幾日仲要洗我成千銀。陰公。見時間都唔早但又未消化完餐晏，所以近近地揾左呢間串燒店食啲小食當晚餐。（其實係樓下個傳單姐姐好大力咁推銷就真）坐低見隔離枱食生蠔食得幾過癮，所以我地又轉呔揀食海鮮了所以點左個海鮮併盤。雖然串燒係呢度嘅主打，但海鮮都處理得好好，食得出來貨有返咁上下質素同埋新鮮。海蝦同螺都好鮮甜，食落彈牙。四隻生蠔：南非，法國各有兩隻。南非呢隻海水味偏重，食落肉質較硬同爽口，咸鮮味十足但唔腥。法國呢隻就有濃郁奶油味，腍身同好軟滑。所以一入口就直落喉嚨咁濟，咸味之中帶點鮮甜。蟶子處理得好乾淨，一啲沙都無，肉質結實之餘又甜，裙邊爽脆。係覺得份量少左啲，唔夠喉啊。食完再追加左個燒白鱔串。外皮燒烤得焦脆之餘，鱔肉仲保持彈牙脆口。因為本身夠肥美，油脂係燒嘅時候包裹鱔肉令到水份得以鎖住。一啲都無過火同變老。水果花茶。估唔到咁大杯，好彩叫左一杯如果唔係真係飲唔晒。茶底係小小甜嘅苿莉花茶，當中加左大量火龍果，蜜瓜，