串燒咖啡 (Closed)

今日同朋友去食串燒咖啡，入到cafe見到地方都好骨致，地方少少但足夠比一班朋友一齊黎聚會，會係一個好既選擇。第一樣試既係芝士薯條，份量很大份，足夠三至四個朋友一齊分享一齊食。但不要睇少小食，呢一份薯條係十分飽，加埋芝士係面，如果想傾計既，會係最好既選擇。之後仲叫左一客雞翼，入味得黎仲要係即叫即製作，所以入汁，雞翼亦唔會好乾，都係傾計小食佳品，但唯一美中不足既就係有少少咸，但仍然可以接受。之後我同幾個朋友都一齊叫左一個南瓜海鮮焗飯，真係幾個女仔食都食唔哂，可能係因為有叫埋薯條同雞翼，所以已經好飽。焗飯南瓜蓉口感重但都易入口，配埋海鮮其實配搭都好好，兩個人分都夠飽。最後仲叫左個沙津，三個女人分都太過多野食，下次可以留意下，但因為串燒太熱氣我地都無叫，但可以既都希望下次再去試！