川燒 (Closed)

串燒同宵夜係我生活中不可缺少，放左工都9點幾，餐廳選擇唔多，最中意就去食串燒，叫到成檯都係再飲返杯啤酒，爽呀！🍺👇🏻👇🏻👇🏻👇🏻係屋企附近呢間川燒簡直係我既恩物，佢地既燒物好岩我口味，用秘製調味料去燒🍢令人回味無窮，香口惹味，另外佢地營業時間仲去到好夜，唔洗趕住走，就算飲多左幾杯返屋企都好方便😌👇🏻👇🏻👇🏻👇🏻當中我最鍾意就係燒芝士五花腩、燒手打免治雞肉棒同埋燒鮮白鱔🥰雞肉棒配埋醬汁超惹味，燒鮮白鱔火力平均，以高溫鎖緊食材水分，鮮白鱔好滑嫩唔會燒到好老，終極肥仔之選燒芝士五花腩，油脂超豐富，勁香勁好食🤤