相馬日式火鍋 (Closed)

又黎荃灣同朋友打邊爐，打邊爐之外有串燒同炸物，岩哂咩都中意食既朋友，一次過滿足哂。120分鐘既放題，百幾蚊至三百幾蚊，算係中價既火鍋餐廳牛肉、豚肉同雞肉任點，仲可以加錢叫埋海鮮，簡左牛小排肉質鮮美滑嫩。入黎就係到呢到提供既蔬菜好多元化，見到一大碟原條蘿蔔仔係到，仲有十幾款不同既蔬菜香菇咁。湯底方面我地叫左個雙拼湯底，豬骨湯底加中華辣湯，豬骨湯都幾濃味，唔洗再另加調味料都好夠，中華辣湯見到就好紅咁，食開辣既朋友食落覺得都可以接受既辣度，但當個滴沾染左豬骨湯既時侯，係食得出個少少湯既辣味都幾出。串燒同炸物都係即叫整做，夠哂熱辣辣，炸物又香脆。蔥段豚肉卷，外層有肉汁，內層夾住既蔥好爽脆，金菇肥牛卷都好出色，燒汁既調味剛好，金菇又夠軟腍又入味，好正。丸都有好多少見既款式。