常嚐食•深燒堂 (Closed)

新開張串燒鋪，男朋友中意食串燒又中意飲啤酒，老闆同店員都好熱情，一坐底就主動介紹餐牌，佢地辣度同調味都有唔同選擇，唔食辣可以揀椒鹽，中意辣可以揀麻辣，食物推介佢花甲湯粉，可揀烏冬或粉絲，花甲湯味道非常清甜，有好多娃娃菜，金針菇同生菜，見到佢條茄子好靚，食材新鮮，仲有成條黃花魚，花甲份量多，湯底好好飲，完全唔係味精湯，串燒我中意食雞軟骨同燒牛舌，雞軟骨椒鹽味道足夠，咬落去爽爽聲好正，牛舌佢切成薄片，一啖一塊好易咬，原隻燒雞翼都好惹味，佢個辣粉回嗆味好勁好爽😂😂啤酒有1664同asaki揀，約朋友可以黎支持下新鋪頭，環境又坐得舒服，我好中意天花個啤酒燈好靚😂