芝加哥串燒 (美豐花園) (Closed)

終於放寬堂食啦不過吽得多喺屋企吽到個人有啲懶唔想出到好遠 所以就近近地同朋友係大埔食野 佢好耐冇食過嘅芝加哥串燒度食dinner 最鍾意入面裝修得幾有feel 啱晒睇波同傾心事💛最鍾意呢度就係個Menu款色多，肉類海鮮類蔬菜類咩都有。食串燒一定要叫啤酒🍻鬼佬涼茶呀嘛😆今晚叫咗杯麒麟啤，我叫咗原味，朋友叫咗菠蘿味，平時唔鍾意飲啤酒嘅佢都話好飲，仲叫咗2杯🍺🍺 不過下次真係要試下佢d手工啤，款色選擇好多。和牛串燒到表面金黃色鎖住肉汁，咬落好嫩好juicy平時食串燒我都好鍾意叫雞翼，仲記得上次無緣食佢個雞皮，好彩今次有得食，呢度嘅雞皮同出面嘅燒雞皮有少少分別，呢度嘅會連帶少少肉碎，口感都幾唔錯✨廣島蠔都好大隻，上面嘅香蒜同蔥花簡直係畫龍點睛，令到蠔嘅味道上咗另一個層次，超好食，而且海鮮好新鮮，所以之後我又再order多兩隻😬呢度嘅個燒菠蘿好清甜，基本上每次嚟食都會order，好岩用黎消除油膩既感覺!!分量都好多幾抵！