燒魂 (Closed)

約咗好耐冇見嘅朋友食飯，當然要搵一間可以慢慢坐，慢慢傾嘅店舖啦。呢間串燒店無限時， 一於試下佢啦舖頭開6點半，我哋早咗10分鐘到，但餐廳職員好好，唔想我哋喺門口等，開門俾我哋早少少入去坐，佢再慢慢預備，真係好體貼呀。甲羅燒一上枱就好香噴噴，蟹膏好多， 鋪滿成隻蟹蓋， 但就有點鹹燒韮菜本身鍾意韭菜嘅香味，但佢個汁就太鹹，完全無曬韭菜嘅香味。而且韭菜又老左啲，難咬斷，仲要上枱時唔熱。燒和牛粒上枱時係暖嘅，而且牛味一般。 玉子燒玉子燒好好味，佢嘅蛋味好香，個汁唔係太鹹，同蛋好夾，呢個encore左2份。 燒茄子呢個茄子可以揀多汁少汁，多蒜少蒜，我哋揀咗適合自己嘅少蒜多汁，好香，茄子入口即溶，蒜香味重 蜂巢豆腐呢個豆腐簡直係有驚喜，開頭以為只係普通嘅燒豆腐粒，但上枱時發現佢外脆內軟， 好有臭豆腐嘅感覺燒牛舌芯牛舌芯叫咗兩份，一份香，一份嫩。 香嗰份又唔特別香脆可口，而且鹹咗啲。但嫩嗰份好食d,冇咁乾冇咁硬。總括而言，食物質素中上， 價錢就有啲貴，服務態度讚。