美味佳 (Closed)

我又想食串燒啦～於是捉左男朋友黎陪我食我既愛店~美味佳❤️雖然香港有好多串燒店，不過論性價比，人情味呢間小店真係贏晒～蛋炒腸粉係我每次必點！腸粉好薄好滑，再加埋蛋漿包住一齊炒就更加香～加埋甜醬麻醬芝麻，真係好有香港街頭小食風味。牛油焗金菇又係好正，雖然好簡單，但係係串燒店食真係特別有風味架！然後又點左一大堆串燒，牛肉，豬頸肉，豬腩肉，煙鴨胸...好豐富！今次黎見到有新嘢，就係燒菠蘿啦～酸酸甜甜好juicy，食串燒食的太濃味既時候中和一下非常好👍🏻雖然店仔細細，好多時都坐到好逼要搭枱，但係果種熱鬧氣氛其實都幾開心😃而且店裡面工作既姨姨全部都好好人好有禮貌，真係食都食得開心d啊～～