船皇 (厚福街) (Closed)

尖沙咀嘅厚福街出左名多野食 今次食船皇 因為唔算太餓，本身諗住兩個人食一個大碗一個細碗再加啲小食 咁應該夠食 點知原來晚市係冇細碗嫁 ！ 最後要左船皇蛋面，仲可以加一蚊轉和牛添，船皇呢碗就犀利囉，差不多咩都有，仲有雞翼雞絲豬皮。味道個汁係最出名，正！ 同埋一個豬肉丸豬肉豬潤撈金邊粉，我唔認得叫佢走青，佢啲芫茜味好濃，個姐姐都好好人咁提我話下一次可以叫走青。 但撈啲汁幾好味！ 秘醬通菜，呢個醬真係不得了，超好味！ 勁夾通菜，咁多樣我最喜歡呢樣。 牛舌串沙嗲醬，冇乜沙嗲味，但整體黎講係燒得好好味 魷魚泰式燒烤醬，有三大條，好滿足丫，咬落好有口感，唔會好乾。魚餅串泰式辣汁，都有少少辣嫁，食得辣嘅朋友先好叫。整體串燒質素高！ 泰式龍眼冰，整體偏甜。