高木炭火鳥燒 (Closed)

星期四放工後，朋友陪我去尖沙咀拎早前預定左既order, 再去揾餐廳食晚餐；最後我地揀左間專門食串燒既日式小店 - “高木炭火鳥燒”進食。店鋪同日本小店差不多，所以入面座位比較逼；如果有其他食客出入，大家需要注意一下啊！帶子：一串共有兩舊，帶子比正常size大粒；師傅將帶子燒成半生熟既狀態，食落外面香口，而入面保持住生帶子既鮮甜味；口感帶點特別！白鱔：一串共有兩舊，可見白鱔燒得香口，而肉質十分嫩滑和林林的。雞腎：一串共有四粒，雞腎比想像中好食；雞腎不會全熟，所以口感爽口！香蔥牛肉卷：一串共有兩舊，餐廳利用牛肉將大量既蔥一同包起；食落香蔥吸入左牛肉既汁，令整個串燒十分juicy和香口~鵪春旦：鵪春旦既外面燒過之後，口感煙煙unun；而入面系林林的，十分qq.烏冬：湯底爲醬油湯底，味道相對較重；而烏冬十分滑，二人分享的話，份量剛好。可以令我地更飽肚呢！