Video
Read full review
2023-10-24
24 views
今次朋友帶我去既餐廳位於砵蘭街，正正係朗豪坊附近，當日夜晚7點左右入座，坐滿一半人，食食下到8點左右都坐滿全場。餐廳門日有燒爐做串燒，裡面亦有廚房炒小菜，唔會一味食串燒咁DRY。當日分別試左串燒、炒小菜及飯，味道整體唔錯，幾有水準。串燒（由右至左排：厚燒玉子($20g、安格斯牛肋肉($30)、鹽燒牛舌($30)、豬頸肉($20)、雞胸軟骨（2串,$35）及魷魚鬚($18)，串燒味道除左辣味之外可揀蜜糖、孜然、麻辣汁等等，當日全辣叫左小辣，火候控制得唔錯，全部串燒都保持到肉汁，而且味粉唔會過重手，食到辣味同時亦食到食材本身既味。牛油金菇包$40： 上菜一打開勁香牛油味，調味應該只左牛油及鹽，食落極重牛油香同時帶點蔬菜既甜。芝士雞肉墨西哥薄餅($52)： 驚喜之作，用左紅椒、雞用及mozzarella cheese，外皮極香脆，同時帶拉絲，味道帶鹽及小小酸辣，開胃又飽肚。爆炸蟹($120)： 餐廳哥哥話新出嘅菜式，即管試吓佢。軟殼蟹炸脆後用類似避風塘嘅方式炒，除咗炸蒜之外仲加左香茅檸檬葉等等偏泰式嘅香料一齊炒勻。軟殼蟹炸得開脆，食落除咗辣味同埋蒜味之外帶有香茅同檸檬葉嘅清新味道，雖然熱氣但
今次朋友帶我去既餐廳位於砵蘭街，正正係朗豪坊附近，當日夜晚7點左右入座，坐滿一半人，食食下到8點左右都坐滿全場。餐廳門日有燒爐做串燒，裡面亦有廚房炒小菜，唔會一味食串燒咁DRY。
當日分別試左串燒、炒小菜及飯，味道整體唔錯，幾有水準。
串燒（由右至左排：厚燒玉子($20g、安格斯牛肋肉($30)、鹽燒牛舌($30)、豬頸肉($20)、雞胸軟骨（2串,$35）及魷魚鬚($18)，串燒味道除左辣味之外可揀蜜糖、孜然、麻辣汁等等，當日全辣叫左小辣，火候控制得唔錯，全部串燒都保持到肉汁，而且味粉唔會過重手，食到辣味同時亦食到食材本身既味。
牛油金菇包$40： 上菜一打開勁香牛油味，調味應該只左牛油及鹽，食落極重牛油香同時帶點蔬菜既甜。
芝士雞肉墨西哥薄餅($52)： 驚喜之作，用左紅椒、雞用及mozzarella cheese，外皮極香脆，同時帶拉絲，味道帶鹽及小小酸辣，開胃又飽肚。
爆炸蟹($120)： 餐廳哥哥話新出嘅菜式，即管試吓佢。軟殼蟹炸脆後用類似避風塘嘅方式炒，除咗炸蒜之外仲加左香茅檸檬葉等等偏泰式嘅香料一齊炒勻。軟殼蟹炸得開脆，食落除咗辣味同埋蒜味之外帶有香茅同檸檬葉嘅清新味道，雖然熱氣但係忍唔住會一啖接一啖咁食。
鮑魚汁海鮮荷葉飯($108)： 飯以鮑汁及海鮮炒後包上荷葉。海鮮配料唔嗇色，啖啖都食到，加上鮑汁味道幾鮮甜。
Post
