Mee...lemongrass (Closed)

睇完戲搵好野食，小食多選擇就最合我地心意，所以揀左呢間餐廳。不過真係好多人，假日至少等20-30分鐘，剛好今日閒日較少人，等10-15分鐘就可以入座。其實環境幾迫，但樓底空間感大，所以整體都不錯，只係部份位置接近商場，所以有等位既客望住黎食。地道串燒(牛,雞各2串) $66串燒燒得一點唔會燶, 亦冇太乾身, 蘸埋帶濃郁花香香的沙嗲醬, 辛香開胃, 亦可沾酸甜汁, 好清爽不膩。仲有配菜車厘茄同青瓜可以清新一下, 還有小多士可以夾住吃,變化不同口味。炭燒豬頸肉 $78豬頸肉比較爽, 外邊既多數太淋, 而且燒得剛好, 唔會燶而個邊又微脆, 不過醬汁太咸, 建議點少d更能吃到炭燒既味道。檳城炒貴刁 $76一上菜, 香味有鑊氣, 入口香辣, 唔算太油, 混合配菜來食, 材料簡單但配合上黎, 奇妙的好吃又惹味, 一吃就停唔到落來咯。海鮮材料也頗多, 有大蝦、魷魚、魚蛋等等。凍馬來西亞拉茶 $28茶味比港式奶茶更香, 只是奶味無港式既重, 口感同樣細滑。