Video
Read full review
2023-05-10
55 views
筲箕灣東大街嗰邊第一次去，呢啲舊區都開咗好多特色小店同Cafe～呢間小店形式嘅日式居酒屋，舖頭唔係好大，裝修唔太花巧，簡單得嚟又幾有和式風味，整體感覺幾溫馨～店舖主打和式串燒，雞牛豬都有，仲有幾款和風料理同定食可以揀，選擇都幾多！小店晚市提供嘅串燒款式會比較多，中午時段可以揀佢哋嘅Brunch Set，價錢都幾親民！------------------------------🦪◖招牌汁燒鮮蠔飯團◗ $78呢個組合好有創意真係第一次見🤣，用咗鮮嫩兩大隻廣島蠔串住喺面頭，好creamy鮮甜；下面嘅飯團搽上咗燒汁嚟燒，燒得微焦好香！用紫菜包住飯團，連埋隻蠔一齊食，紫菜嘅香味加埋燒蠔嘅鮮味，味道好有層次！🦀◖松葉蟹多士◗ $128法式多士上面放咗一大舊蟹膏，仲有啲松葉蟹肉，再放上魚子，都幾鮮，口感同味道都頗有層次，但係個多士略嫌烘得唔夠脆口呢～🐖◖脆香燒豬大腸◗ $36豬大腸肥膏唔算太多，肥瘦適中，燒完之後有咬口好脆口，口感幾好～🥓◖黑毛豚肉生菜串◗ $38黑霧豚肉油脂豐富，燒過將啲油脂逼出嚟，滲入啲生菜度，食落好香又唔會覺得油膩！🍢◖招牌串燒拼盤◗ $128呢個午市串燒拼盤幾抵食，
店舖主打和式串燒，雞牛豬都有，仲有幾款和風料理同定食可以揀，選擇都幾多！小店晚市提供嘅串燒款式會比較多，中午時段可以揀佢哋嘅Brunch Set，價錢都幾親民！
------------------------------
🦪◖招牌汁燒鮮蠔飯團◗ $78
呢個組合好有創意真係第一次見🤣，用咗鮮嫩兩大隻廣島蠔串住喺面頭，好creamy鮮甜；下面嘅飯團搽上咗燒汁嚟燒，燒得微焦好香！用紫菜包住飯團，連埋隻蠔一齊食，紫菜嘅香味加埋燒蠔嘅鮮味，味道好有層次！
🦀◖松葉蟹多士◗ $128
法式多士上面放咗一大舊蟹膏，仲有啲松葉蟹肉，再放上魚子，都幾鮮，口感同味道都頗有層次，但係個多士略嫌烘得唔夠脆口呢～
🐖◖脆香燒豬大腸◗ $36
豬大腸肥膏唔算太多，肥瘦適中，燒完之後有咬口好脆口，口感幾好～
🥓◖黑毛豚肉生菜串◗ $38
黑霧豚肉油脂豐富，燒過將啲油脂逼出嚟，滲入啲生菜度，食落好香又唔會覺得油膩！
🍢◖招牌串燒拼盤◗ $128
呢個午市串燒拼盤幾抵食，有鹽燒雞中翼、香燒黑豚六花腩、免治雞肉軟骨棒、香燒脆皮豆腐，配埋自家製紫心番薯蓉，份量唔算太多，但又可以過吓串燒癮！佢個燒脆皮豆腐有驚喜，仲有啲燒汁包裹住，甜甜地，外脆內綿；黑豚六花腩有足足有六層，口感爽脆，肉味都幾濃郁！
🦞◖鮮味哈哈龍蝦包◗ $148
套餐仲有黑松露薯角，薯角炸得都幾香脆。龍蝦包夾住唔少龍蝦肉，幾彈牙爽脆，淋上千島醬，酸酸甜甜咁，用咗烘過嚟嘅排包做底，都幾有口感，但個人覺得排包嘅口感同甜味稍微蓋過龍蝦嘅鮮味，令到個龍蝦包整體有啲失色～🙈
🥤◖鹹青檸可口可樂◗ +$8
特別要求轉無糖可樂，鹹鹹地酸酸地又夠氣，正！
☕️◖即磨凍咖啡◗ +$8
本身以為佢係齋啡，原來係已經落咗奶嘅凍咖啡，可能俾啲冰溝咗，飲落味道淡淡地～
🌟 Encore指數：8.5/10
Post
