一鳴燒 (Closed)

放工同朋友食飯，大家都想搵啲環境衛生乾淨啲既餐廳食野，所以都唔介意簡貴小小，最後簡左食串燒既「一鳴燒」🤤🤤🤤 餐廳環境好乾淨企理，黎果日唔多人，感覺更加闊落。我地落左單好快有野食，熱辣辣又新鮮，好有誠意🤣我地叫左「香草羊架」好好食👍🏻食落去唔會好大陣羶味，應該係因為用左適量既香草吧，又帶點點羊味，可以接受，而且肉汁鎖實，咬落去好有口感。另外羊架尾部有錫紙輕輕包住，方便我地可以拎起黎食，又唔會整污糟手指，好貼心呀！🥰「安格斯牛小排」都好出色👍🏻油脂分佈完美，賣相好靚好吸引呀！牛肉熟度剛剛好，呈現半熟狀態，有點入口即溶，size岩岩好，逐舊逐舊放入口，好過癮🤣其他食物都唔錯，特別推薦「清酒」都好好飲🍾好配合到串燒既味道，達到提鮮既效果。整體黎講食物價錢都合理！😇😇