川味亭

Open Now

Now Closed

小店位於尖東交界，主打川式串燒，食物種類繁多，肉類，海鮮、蔬菜、丸類、鍚纸焗繫列等，仲有自選車仔麵可以叫，咁就唔怕唔夠飽啦🤣 店內雖少但五臟俱全，經過可以一試😬肉丸類叫咗多春魚、五花腩肉、雞中翼、臺灣腸、雞肉腸、墨魚丸同芝心丸！個人最鍾意多春魚同腸仔，前者香脆可口，後者口感紮實～ 墨魚丸都OK，鮮甜彈牙而且份量十足🍢 蔬菜類有韭菜、尖椒、秋葵、蒜蓉原條茄子、粟米、鍚紙焗冬菇同鍚紙焗全素🫑 韭菜，尖椒同秋葵灑上滿滿嘅孜然粉，食材新鮮，滋味無窮～ 茄子就更加唔洗講，多汁軟嫩令人一食愛上🍆 鍚紙系列反而幾有驚喜，上枱時熱辣辣，吸晒啲汁，配飯一流🤣其他包括豆卜、一口蕃薯、豆腐、風琴豆腐、腐皮卷、小饅頭同有機菠蘿🍍 豆腐切到細細嚿，入口滑溜，極度推介、小饅頭外皮炸至金黃色，外皮脆身，內裡軟熟，配上煉奶簡直無得頂😬 菠蘿性價比甚高，一串六粒，酸甜可口，作為飯後甜品就最合適不過了😆