丹後爐端燒 (Closed)

星期日晚跟男友來吃，因為早前聽朋友說這裡的串燒好好味，所以便來一試。店面都幾細，我想最多只能容納30人，翻開餐牌，串燒種類超過40款，都幾吸引，所以我跟男友是晚主攻串燒。發覺最好味是牛舌(爽、口感極佳)和飯糰(外脆內軟，勁有芝麻香)；另外雞軟骨和雞翼也不俗，雞皮又脆又香，還有鮑魚片又係爽但味偏淡，帶子個醬汁調較得好有水準，甜甜的又不過搶過帶子的鮮味，還有墨魚咀、雞腎、鰻魚、椎茸(冬菇)、墨魚鬚(呢個真係超正，一定要試，夠彈牙只是味不夠)、銀杏、煙肉車厘茄、羊架、牛肉露筍卷、芝士年糕(完全沒有芝士香，惟年糕好煙韌)、紫菜墨魚丸(貪佢夠特別)…切記不要叫豆腐(好柴好乾)，還有一個田樂豆腐，完全搵笨，只係加o左o的木魚絲係上面，雖然食o左咁多都覺得夠了，但心癢癢的我很想吃多兩串牛舌，於是便跟一位服務生說想多加一客燒牛舌，點知那位侍應說︰「你剛才已叫過一次了，而且你o地得兩個人。」心暗忖︰So？兩個人唔可以叫多一客嗎？我們又沒有浪費過一粒飯，為何要這樣說？跟著男友好聲氣的再說只是想多要一客牛舌而已，真的不知是甚麼原因那位侍應好串咁說︰「諗清楚味o架，叫咯喎！係真係要o既話，咁就幫你o地落啦