尚鮮海鮮料理 (Closed)

今日同朋友黎到位於銅鑼灣既尚鮮食晚飯。平時打邊爐打得多，今次我同朋友就決定試吓私房菜。我同朋友首先叫咗一個尚鮮毛血旺。毛血旺嘅份量都幾大，材料豐富，入面有豬紅、牛柏葉、豬膶、豬舌、牛肉、金菇、青瓜等嘅材料。毛血旺非常之麻辣，每樣材料都十分入味，尤其當中嘅金菇，將湯底嘅味道同湯汁完全吸收在內。 另外我哋亦都叫咗一啲串燒。燒生蠔上面有蒜蓉同埋香蔥，再配上十分鮮甜嘅蠔，回味無窮。燒海蝦亦都很不錯。蝦殼帶鹹香，而且被輕微燒焦。蝦肉亦都爽口彈牙，帶鮮甜，非常新鮮。燒芝士獅子狗一咬落去啲芝士味就相當濃烈，好正。牛舌同牛柳粒亦都燒得好香，油份比火燒到出哂黎，相當不錯。最後粟米亦都好鮮甜，帶焦香，我同朋友都好鐘意食。鮮炸蒜香牛蒡可以話係啤酒既最佳餸酒小吃。牛蒡炸得好香好脆，口感非常之正。蓮子百合湯則清中帶甜，更有助補肺，健康又好飲。