有間串燒 (Closed)

呢間串燒店容許自攜盒同埋走餐具，值得一讚。今次我同屋企人叫左嘅串燒包括兩串雞軟骨同多春魚，一串牛舌，豬頸肉，白鱔，菠蘿，魚腐年糕，花枝丸，灸燒芝心丸，仲有一份雜菇。總共一百六十八蚊。所有串燒嘅溫度都啱啱好。大部分肉類嘅調味都好香噴噴，食落就比較鹹。所有肉類都有小小辣味。雜菇特別用錫紙包裝好，上面鋪左好多蒜蓉，味道非常濃烈。外賣自取準時二十分鐘做好。衛生方面可以做得更好，就係店員同客人溝通時應戴返好口罩。