烤吧31 (Closed)

今晚行完街，想搵間串燒啤啤佢，朋友食過呢間串燒都幾好食，就決定去試試。烤新鮮天梯，食落好爽口，燒到都幾香口。燒雞全賢，燒到外皮脆卜卜，入面d肉好嫩滑。串燒五花肉，因為佢切到好薄，所以食落就好脆卜卜，d肥油已經燒埋出黎，所以感覺完全唔油膩。干魷魚，而家好少地方有得食，燒到陣魷魚味勁香，佢有日本醬油同芥辣配埋，食落有另一番風味。燒茄子，茄子非常大隻，d肉都勁厚，上面勁多蒜，淋淋甜甜，非常好味。燒鮮冬菇，冬菇燒到好juicy,非常厚肉。燒韭菜，串燒必食，用好多香料一齊燒，好惹味。川味無骨鳳爪，酸酸辣辣，又有麻辣香味，幾好食。