相馬日式火鍋 (Closed)

好耐無打邊爐，不過今次只同親密接觸者幫襯，平叵平地幫襯了食日式火鍋，一尼坐得舒服而且比較衛生。飲品都是汽水及茶，酒就另外收費。先叫了個火鍋湯底，店員會自動送上幾款肉類，全部都是任食，有美國特選牛肉、雞肉及日本黑毛豬，這個中價套餐的牛肉雖然未到超高質，但係肉味濃，又唔會太多牛油脂。雞肉片很腍，都是凍鮮雞肉，雞味尚可。黑毛豬唔肥但肉腍。外面自助枱有多款菜、丸、腸仔等等，食幾多攞幾多，唔好浪費，味道不過不失。炸物有十數款，炸雞翼外脆內嫩又juicy，炸蝦及多春魚都唔錯，炸粉唔會過厚。串燒更加是有驚喜，燒得幾juicy唔會太乾，同埋多以肉及素配搭，食落去就無咁肥膩，可以食多幾件。最後食埋個雪條同甜品，甜品就唔多推介，不過雪條都唔錯。