炎鳥羽

Open Now

Now Closed

今日黎到新開張嘅日式串燒店，估唔到已經咁熱鬧。店員安排我地坐bar枱，可以睇到廚師煮野食嘅情況。先黎前菜($20/人頭)，新鮮開胃，第一次食牛蒡，口感特別。牛舌厚切($48)，有1cm咁厚，初時有啲韌，但係愈後油脂嘅比例令到肉質變得柔軟又香口。明太子雞翼($28)，入面包住咗滿滿嘅明太子！煙肉蠔卷($38)，煙肉焦脆，蠔汁多到爆！除咗串燒之外，餐廳仲提供咗唔少日式菜。明太子蛋卷($58)，一層層嘅蛋卷包住明太子，蛋卷香滑重奶味，明太子嘅鮮咸味令味道升華。牛肉稻庭烏冬($78)，估唔到幾大碗。薄薄嘅牛肉鋪滿咗成碗，非常嫩滑。烏冬煙煙靭靭，配上牛肉汁湯底仲正。清酒煮大蜆($78)，每粒蜆都好肥美鮮甜，酒味唔算太重，好適合我地食。總括黎講，串燒非常高質，用料新鮮，連其他日本菜都做得唔錯。服務質素值得一贊，店員笑容滿面，而且不時幫我地添茶~