火山燒 (Closed)

日式燒烤食得多，但係用火山熱石去燒熟美食嘅地方真係唔多，可以令食材受熱均衡，食起上黎當然更美味。同朋友去到火山燒，見到菜單有咁多非常吸引嘅美食選擇，當然就係拿拿臨填好後，兼交俾廚房幫手燒 (可以快趣啲有得食嘛XD)。先黎一窩粉絲海鮮窩，本身材料已經豐富，再係面前滾熱，整件事就更加吸引 – 粉絲吸收了湯底的微微辣味，滋味十足; 而海鮮煮熟後，無被湯底奪去其鮮味，證明本身選材非常優質。之後再要左一隻香草燒春雞，上枱時香氣撲鼻，見到金黃色嘅外皮，令人垂涎。再嗜之下，整隻雞身都係肉嫩無比，係香草嘅點綴下，構成一道出色嘅食材。接著各串串燒亦都登場，芝士年糕同埋丸子質感軟綿非常，無燒得硬硬，可見廚師嘅功架; 肉類串燒亦令人稱心滿意，魷魚、墨魚嘴口感一流，係送酒必叫之選; 牛柳粒亦燒得牛香味濃, 強烈推介; 玉子燒亦是賣相可人，味道吸引。黃金雞翼燒外表非常香脆，肉汁亦豐富無比，好食到要再encore; 多春魚亦無燒得散散，魚身結實，先至可以完滿品嚐。