形 (海天晉滙)

Open Now

Now Closed

海天晉滙商場除咗臨海賣點，原來都有好多餐廳。其中一間係型格串燒店。集合串燒店同酒吧特色，享受串燒同時，又可以飲下cocktail。最正成張枱放係度比你篤波，令人放鬆的環境。而家串燒套餐有六折，包前菜，串燒，飯同兩杯 cocktail。二人串燒套餐 $398Grasshopper +$28充滿特色的賣相，主打清新薄荷味。Sour Apple Frozen沙冰口感好smooth，而蘋果同檸檬汁既調味討好，mocktail值得一試。先吃小食雞泡魚乾同送上大蜆味噌湯。串燒全部都好靚仔。牛舌芯爽口爆汁。雞全心口感鮮嫩有嚼勁。雞骹軟骨香脆好食。豚肉蘆筍卷以豚肉片包着蘆筍，配搭清爽。芝士翠玉瓜滿帶芝士香。燒豆腐大大件，上面加有木魚絲，豆腐香軟好食。吉列蝦的外層金黃鬆脆，蘸上沙律醬份外滋味。最後食埋鰻魚炒飯，炒飯乾身，飯粒分明，又有鰻魚香。