喜聚燒 (Closed)

星期六去呢間串燒店送一份燒日本鱈魚乾，新鮮燒起好香脆😋喜聚麻辣滋補鮮烏雞烏雞皮爽肉嫩，麻辣係台式嗰種，唔會得個辣字，我哋要咗BB辣，好香好惹味😋麻辣四姊妹有蓮藕、萵筍、雲耳、淮山同埋筍，用蠟燭困住，食到尾都保持溫度，爽脆爽脆，麻辣香口😋海鮮方面，我哋試咗扇貝同埋貴妃蚌，兩款都好新鮮👍🏻扇貝厚肉鮮味，加上蒜蓉粉絲，好惹味。貴妃蚌鮮甜爽滑，一啲都唔會韌，正😋串燒方面，我最鍾意安格斯肉眼串，睇佢唔出肉質好淋，燒得啱啱好👍🏻煙肉韭菜卷都好食，我好鍾意食韭菜，呢個卷夠晒多韭菜，包住嘅煙肉肥瘦適中，燒完之後多餘嘅油脂已經滂瀉晒出嚟，食嘅時候唔會肥膩，又香😋我仲推薦燒燒賣，我哋揀咗沙嗲味，燒賣燒得外皮脆脆，裏面煙韌軟糯，加上一啲惹味沙嗲醬，好正。主食方面，我哋試咗墨西哥黑松露芝士薄餅，裏面嘅芝士奶香原味，配上嘢味嘅酸辣椒，好醒胃。