高木炭火鳥燒 (Closed)

今日同朋友到尖沙咀找一間餐廳靜靜地傾下計, 行行下就想到棉登徑而家都好多食, 而且係靜中帶旺。 門口看一看就覺得好有日本味道的 居酒屋, 所以即管入去試一下 。丫, 竟然真係有高質素的串燒。串燒其實最重要就是要燒到皮香肉嫩,  呢個絕對可以做到!!點了幾款高難道的燒物-燒雞皮, 真係好香脆但並不乾身.,就似薯片般脆卜卜而且好香雞油味。 我真心認為燒雞皮有一定的難道, 要脆但不乾硬, 我試過好幾間都不一定做到!-蒲燒鰻魚 ,  鰻魚好厚身的肉, 冇骨。 個皮一定要燒到脆, 少少濕我自己都接受不了, 和我一樣鍾意食燒鰻魚的人就會明白,這裡做得到,而且好!!-燒大蝦- 新鮮爽口的, 有鮮蝦味,但用好多粗鹽燒,不能直接用口咬。-燒豚肉 ,這個一定是最平均的腩肉, 一層肉一層膏。 咬落是彈牙的, 入味, 有油香但完全沒有油膩感覺。-芝士大菌, 有芝士香,菇亦軟身但尺碼中等沒有驚喜。居酒屋又點少得枝豆 , 這個是絕對的長春綠葉, 少左總有點不自然。 暖暖的再灑上少少鹽,佐酒是一流的。來一個超級甜的燒菠蘿作結尾, 完美。