串燒咖啡 (Closed)

成日行過街，都好想食串燒，朋友講過話有間有串燒，有得玩又座得舒服既cafe, 咁點都要去試下啦 地點好方便，又係行完街就黎食飯喇！一座低，睇下有咩好食啦...有好多選擇-串燒，意粉，焗飯/天使麵，仲有甜品 串燒茄子-必食呀 燒完既茄子仍然多汁，配埋蒜蓉，孜然粉，又香又惹味，包你會一試愛上呀串燒雞軟骨/串燒安格斯牛粒味道一流, 唔會乾,好嫩滑, 好有咬口,好惹味串燒羊架-完全唔膻同唔會乾同硬，肉質鮮嫩,同樣味道又香又惹味串燒韭菜燒得岩岩好, 唔會燒乾左或者硬左而無左韭菜既爽口串燒每款都好正, 醬汁一流,食得辣仲正,唔會燒到乾晒, 必食串燒 南瓜芝士海鮮翠翠焗天使麵  -食落去滿滿好香既南瓜味濃濃既忌廉南瓜汁，加上豐富材料，有青口，蝦，墨魚，魷魚，蟹捧，仲有焗得又香又脆同充滿芝士味既翠翠-即係多士粒，食落口感更豐富。鍾意食南瓜既你必食, 加上幼滑天使麵,更加正呢三文魚忌廉雜菌意粉意粉軟硬度煮得十分好，咬落有口感，配上淡淡既香草忌廉汁加上煙三文魚既咸味同菇既香味，好好味呀 香蕉朱古力奶昔 仲有好多遊戲俾你玩, 真係玩得座得又食得 下次再黎，要試甜品同其他串燒。