串燒咖啡 (Closed)

本身諗住去燒嘢食，但突然之間落雨搞到冇得燒嘢食。 我朋友就話食住串燒頂住當先，之後就搵咗依家間串燒咖啡，諗住旺角大家都就腳。上去餐廳等lift時間比較耐，如果想上去食嘢嘅話就要比小小耐性等lift。餐廳播放電影同歌，而且有唔同嘅遊戲玩，卡game等。 座位上全部都係沙發坐得比較舒適，而且座位 好夠寬闊。地方環境都乾淨，地面非常乾爽。我同朋友上咗嚟主要都係諗住食串燒，因為我哋睇過呢度嘅串燒選擇都頗為多。 腸類 丸類 海鮮類 生果 肉類 蔬菜類。同個朋友叫嘅款式都唔算太多，我哋來來去去都係嗰幾款野。 燒原隻茄子($32)，面層鋪滿左好多蒜，茄子燒到夠爽，唔會話係淋啤啤。串燒方面，店員解釋，係一邊燒一邊加上特製嘅醬汁，醬汁係有少少辣，但食落都幾開胃。腸仔蟹柳燒吊筒仔雞軟骨燒雞腎。 蟹柳嘅數量平日出面數量多，有成六條。燒到出嚟，唔會話燒到有啲蟹柳散晒，會一條蟹柳都仲好完整。雞軟骨燒得外面較為脆身，又吾會燒到好硬。吊筒仔燒完依然有鮮味彈牙。特製醬汁真係唔錯，有我唔會蓋過左嘢食本身嘅味道。