嵐川日本串燒 (Closed)

做嘢經過，見幾日式，又有位，就入去坐低咗. Lunch 餐牌選擇唔算太多，不過有串燒食，lunch 食番個串燒餐都幾好. 生姜燒，正正常常，無咩特別. 豚肉葱串燒，好味，估唔到葱都可以燒得咁好味，燒到得番香味，唔會辣，食完又唔臭. 豚肉都燒到啱好，唔會韌，係鹽落得多咗啲，落少d好啲. 牛肋骨串燒，燒得啱好，好香好入味. 跟餐有埋湯小菜，蕃茄酸酸的好開胃，椰菜清清的，好解油，配埋一齊真係一流. 好滿足嘅lunch, 價錢西區黎講算正常，有咁嘅質素，可以再幫襯.