Video
Read full review
2019-02-23
40 views
餐廳係韓國街，門口裝修好低調，好有日本omakase 店嘅風格。 餐廳入面除左最吸引嘅吧台，仲有普通座位，裝修簡潔沈穩。我地好肚餓就點左最多嘢食嘅set；享.日 $688 。包括前菜、串燒12串、季節海鮮、湯（吸物）、飯糰（食事）及煮物。前菜煮海螺 蕃茄青瓜 豬肝 冰糖漬三文魚嘴海螺有4粒，幾爽口，醬汁甜甜地幾特別。中間有d 蕃茄青瓜係清味蕾解膩用嘅。豬肝第一啖食有濃濃煙燻味，似煙鴨胸味，口感綿密，但都係會保留到豬肝味，唔食內臟嘅話可以提前同店員講安排其他食物。冰糖漬三文魚嘴酸酸甜甜，口感軟軟地又有小小軟骨嘅爽，微微食到魚味，好特別。串燒12串：part1（順序由左到右上到下）雞軟骨：好爽口，加d鹽同檸檬汁就啱啱好青椒仔：估唔到完全唔會苦澀辛辣，反而甜甜地，口感有d似青葵。雞肉釀雞軟骨配溫泉蛋串燒：溫泉蛋滑溜溜濃郁蛋黃味，雞肉棒質感比較鬆散d，有d蔥令味道比較豐富香d，入面有雞軟骨碎，增加口感，撈埋溫泉蛋食好滑好香濃，口感豐富燒白鱔：好熱辣辣，嫩滑多汁，燒到外脆內軟燒蔥白：好清甜，都幾嫩燒黑豚肉：呢個好好味！肥瘦層次分明均勻，keep 到肉汁唔會孩，豬肉味濃郁，係黑毛豬獨有嘅香氣！而
餐廳入面除左最吸引嘅吧台，仲有普通座位，裝修簡潔沈穩。
我地好肚餓就點左最多嘢食嘅set；享.日 $688 。包括前菜、串燒12串、季節海鮮、湯（吸物）、飯糰（食事）及煮物。
前菜
煮海螺 蕃茄青瓜 豬肝 冰糖漬三文魚嘴
海螺有4粒，幾爽口，醬汁甜甜地幾特別。
中間有d 蕃茄青瓜係清味蕾解膩用嘅。
豬肝第一啖食有濃濃煙燻味，似煙鴨胸味，口感綿密，但都係會保留到豬肝味，唔食內臟嘅話可以提前同店員講安排其他食物。
冰糖漬三文魚嘴酸酸甜甜，口感軟軟地又有小小軟骨嘅爽，微微食到魚味，好特別。
串燒12串：part1（順序由左到右上到下）
雞軟骨：好爽口，加d鹽同檸檬汁就啱啱好
青椒仔：估唔到完全唔會苦澀辛辣，反而甜甜地，口感有d似青葵。
雞肉釀雞軟骨配溫泉蛋串燒：溫泉蛋滑溜溜濃郁蛋黃味，雞肉棒質感比較鬆散d，有d蔥令味道比較豐富香d，入面有雞軟骨碎，增加口感，撈埋溫泉蛋食好滑好香濃，口感豐富
燒白鱔：好熱辣辣，嫩滑多汁，燒到外脆內軟
燒蔥白：好清甜，都幾嫩
燒黑豚肉：呢個好好味！肥瘦層次分明均勻，keep 到肉汁唔會孩，豬肉味濃郁，係黑毛豬獨有嘅香氣！而且黑豚肉面用左黑椒汁調味，更加惹味。
串燒12串：part2（順序由左到右上到下）
燒蘆筍：選取嘅位置比較嫩，調味酸酸地幾開胃
燒雞脾菇：夠曬厚身，有燒汁、黑椒等調味
雞腎：上面用了麻油、黑椒和蒜粉調味，香味四溢，質感比較軟，但係略嫌雞腎有dd 內臟腥味。
燒雞頸肉：質感嫩滑多汁，但同一般雞肉味道差唔多。
燒翠肉瓜：黑椒牛油調味香濃，翠肉瓜厚身大片，食落水分幾足。
燒白菌：配照燒汁，保留到水分
食事：明太子及木魚絲飯糰
飯糰味道比較淡，但表面煎到脆脆地，口感紮實。
海鮮湯：用茶壺裝住鮮甜海鮮燉湯，保持到溫度由上台到食完都係熱辣辣，湯用左蜆、蝦肉、雞肉等熬煮飲落鮮甜濃郁。
季節海鮮：（因應季節調整）
燒油甘魚鮫：幾嫩滑，而且唔會腥
燒鯖魚：唔會老，份量足，有碳燒香味唔會腥
煮物：沖繩豬手
豬手先煮後煎，有黑糖甜味之餘帶陣陣酒香，軟腍濃郁，夠曬膠質，骨膠原充足，幾好味！
食完真係好飽好飽！略嫌定價較高。
Post
