黑木 (Closed)

Omakase 就食過幾次，今次就第一次食串燒嘅廚師發板店員好親切，一坐低就加茶同準備前菜俾我哋食首先食咗個脆卜卜嘅雪魚乾，如果飲酒嘅送酒一流仲有個無花果魚乾沙律，無花果好新鮮好甜，配上魚乾嘅甘香同少少沙律醬，味道好特別到重頭戲啦，有汁燒南非鮑魚，雖然係汁燒但係又唔會冚左鮑魚嘅鮮味，火候控制得好好，唔會韌另外仲有炙燒秋刀魚，做法似刺身，秋刀魚本身就比較濃味但又配上巨峰提子酸醋汁，如果鍾意食時令魚嘅一定要食免治雞肉棒去好多食串燒嘅地方都有得食，呢一度嘅雞肉棒都唔會令你失望，因為好有肉汁臨食主菜之前有白子配海澡漬物上面，仲有啲薑蓉，令口腔清新更開胃然後突然間一轉，就有一個感覺好似fusion菜，花螺配椒麻香油，鍾意食麻辣嘅人就一定要試個汁，好好食，夠麻夠香，螺肉新鮮脆口蔬菜方面就有明太子燒露筍，蘆筍好夠柔嫩，鮮嫩冇渣蟹膏蟹肉油揚都好吸引，個油揚烤到卜卜脆，蟹肉一梳梳，啖啖肉，仲要配啲蟹膏，好邪惡燒白鱔，魚身夠新鮮，個皮燒到脆卜卜，冇得輸蝦醬豬腩肉，根據個店員講，蝦醬係來自長洲嘅，但係呢一個配搭真係好好食，蝦醬嘅鮮味，好惹味，第一次咁樣食主食就有白姬松茸白布烏冬 ，食到尾聲階段有啖湯飲下係幾