橋本·串燒

Open Now

Now Closed

行經#橋本串燒，見到呢間居酒屋🏮，朋友好想食下串燒同飲下酒，我一於奉陪丫😚。鋪坐下店員會送上生椰菜，麻醬作前菜，之後我哋就慢慢點菜了😚。🥃梅酒、白桃酒, 美酒配串燒，十分之正斗。🐣慢煮雞胸溫泉蛋沙律🥗，菜很鮮嫩，雞胸煮得很柔軟，仲有隻滑滑的溫泉蛋，配埋黑醋汁, 酸酸的夠晒醒胃。🍟炸薯條伴黑松露沙律醬，即叫叫炸很酥脆，點埋味道濃的黑松露醬，味道更加出色。🥓五花腩，肥瘦厚薄適中，入口軟腍，面層有點梅醬配合黑椒去燒很惹味。牛柳粒、厚牛舌，燒到剛剛好，肉汁豐富，必食推介。豚肉露荀卷＆豚肉秋葵卷，配上蔬菜食，油膩感大減。燒雞翼、膝軟骨、雞髀肉，燒烤控制得好好，表面燒得金黃色，雞軟骨咬落有嚼勁，雞翼皮脆夠入味。免治雞肉捧配溫泉蛋，呢個很滑但又有咬口，口感很豐富。最後燒南瓜🎃、燒粟米，芝士年糕，飽飽的回家去了😚。