無印良品 (Closed)

收到消息話九龍灣無印良品入面間Cafe就快會結業，會裝修變做賣其他野，所以同班朋友即刻約係結業前食番餐先。除咗平時佢嗰啲可以自選熱食或凍食既三品、四品料理之外，今次我就叫咗煙三文魚蟹肉開面三文治試下。上到黎都好大碟下，薯條、沙律同個三文治塞滿左個碟。煙三文魚同蟹肉好夾，個麵包皮都好鬆軟，所以成個三文治都好好食。另外仲叫咗個All Day Breakfast，當然唔少得要有薯餅啦，佢哋個all day Breakfast仲跟埋個麥皮，所以份量好足，一定夠飽。