北京樓 (Closed)

o尋日本來已訂了位同屋企人去KC話好的港大校友會度食，但因有突發事情發生，所以又要轉地點，去左荃灣北京樓。老豆一睇到MENU指定要叫1個6位套餐，話費時麻喎，其實佢睇中一個京蟠明蝦就真!餐前每人一杯藨汁或山楂茶(我仍然好懷念車品品的山楂露)，然後冷盤三小碟(監水鴨、海蜇皮、烤麩)，雖然話係小碟，份量唔細且味道做得不錯；京蟠明蝦果然老豆冇睇錯，蝦好爽同入味，我食了三大隻，而花膠炖螺頭又係大家都欣賞，十足材料。干燒黃魚是全靠D汁調味，而條魚仲有D霉霉地。風沙雞只得半隻，可能細隻關係所以d肉幾嫩口、另外四蔬同小籠包都ok。我再叫個糖醋排骨，一時醒唔記京滬菜D排骨其實係豬扒，所以一上後有D失望，味道其實不錯，不過肉質過淋。飯後甜品係另加的豌豆黃，佢o地話味道怪怪地喎，咁當然唔似係北京咁好食la。講番服務，屬於美心集團，當然有番咁上下，仲熱心過頭，我個侍士哥哥好好人，幫我o地分小籠包，不過搞到個個小籠包到流晒d汁。