麵匠風龍

Open Now

Now Closed

屯門牛最近多咗過海，既然去為良知發聲，當然選擇同聲同氣嘅餐廳我哋到達時大約12點半，店內已滿座，而且有10幾人排緊隊，不過店內翻檯速度極快，半小時便可入座。一齊點咗蝦味噌拉麵套餐$115，小食揀左餃子。點餐後幾分鐘已上齊，全部熱辣辣。除咗拉麵，麵內嘅配菜有：櫻花蝦，半熟玉子，粟米，紫菜同蔥。叉燒同餃子都係分上。先嚐一口蝦味噌湯底，有非常濃嘅蝦膏味，湯底鹹度適中，麵條有咬口而且根根分明，掛上湯汁同櫻花蝦後鮮美無比。叉燒帶有微焦，係上碟前煎過，再灑上青蔥。由於煎香時將肥油逼出，因此食落唔會覺得油膩，花小小功夫已可大大加分同行朋友最like半熟玉子，蛋黃同蛋白都帶少少流心。店內使用蛋味十足嘅日本蛋，食得十分安心。套裝附上嘅餃子有4隻，香脆而飽滿。連湯都飲晒，再飲埋店內提供嘅凍麥茶，滿足之餘，又夠鐘出發去健行。或者有一日我哋會被禁足，但我相信店內同路人都唔會忘記呢個夏天，呢一句「香港人加油」。