Video
Read full review
2018-08-09
1393 views
身邊有個韓國通既閨蜜，自己呢幾年對韓國文化既認識隨住: 去首爾、食韓國野、著韓服、睇韓劇..增進左唔少！喺香港出街食飯好多時亦會食韓國菜。今晚呢間餐廳之前食過幾次，不斷重臨既原因係(一如標題) - 佢既菠蘿Cocktail !! 大家叫既時候記得一定要望清楚menu，因為呢度有菠蘿cocktail，菠蘿soju (燒酒)，菠蘿Makgoli (農酒)!好簡單，menu得一款’菠蘿有酒精’飲品係圖文並茂，就係嗰款喇！小妹同友人第一次叫呢款就係因為佢張相，影住半個菠蘿，菠蘿心載住cocktail，中間既菠蘿肉做左拌碟，同實物無出入！有色，香同味都有！呢款cocktail唔算係d咩花巧野，飲落去係濃郁既菠蘿味同細細既菠蘿’碎’ (真係’碎’，唔係’粒’)，酒精味唔算濃，但最最吸引既..係菠蘿同嗰種韓國酒真係好Match !!!!!! 唔知大家有無同感，坊間有時買既有味(藍莓，桃，...)燒酒或農酒，真係唔係款款蔬果都夾到酒。 呢款cocktail 真係好正，女士應該會好like，男士見到女士like應該都唔會抗拒 ! 不過，呢個菠蘿cocktail 可能滿足唔到一班中意酒精味好重既朋友
喺香港出街食飯好多時亦會食韓國菜。
前菜
47 views
0 likes
0 comments
今晚呢間餐廳之前食過幾次，不斷重臨既原因係(一如標題) - 佢既菠蘿Cocktail !! 大家叫既時候記得一定要望清楚menu，因為呢度有菠蘿cocktail，菠蘿soju (燒酒)，菠蘿Makgoli (農酒)!
好簡單，menu得一款’菠蘿有酒精’飲品係圖文並茂，就係嗰款喇！小妹同友人第一次叫呢款就係因為佢張相，影住半個菠蘿，菠蘿心載住cocktail，中間既菠蘿肉做左拌碟，同實物無出入！
有色，香同味都有！呢款cocktail唔算係d咩花巧野，飲落去係濃郁既菠蘿味同細細既菠蘿’碎’ (真係’碎’，唔係’粒’)，酒精味唔算濃，但最最吸引既..係菠蘿同嗰種韓國酒真係好Match !!!!!!
唔知大家有無同感，坊間有時買既有味(藍莓，桃，...)燒酒或農酒，真係唔係款款蔬果都夾到酒。
呢款cocktail 真係好正，女士應該會好like，男士見到女士like應該都唔會抗拒 ! 不過，呢個菠蘿cocktail 可能滿足唔到一班中意酒精味好重既朋友 ><
有d長氣，但真係好想推介!
今晚本身80%為菠蘿Cocktail 去，但點知...無哂菠蘿 ! 最後唯有叫左半jar 菠蘿Makgoli，驚喜既係小妹發現菠蘿cocktail 好大機會係菠蘿Makgoli，因味道有九成相似，只係present 方式唔同! 所以唔多講喇，兩個字: 回味！
***鍾意打卡既朋友，識揀一定揀菠蘿Cocktail！
菠蘿Makgoli (not 菠蘿Cocktail)
38 views
0 likes
0 comments
雖然無加啤酒，但回想番好似每次都會叫甜辣炸雞！
個醬甜甜酸酸同少少辣，唔食得好辣既朋友都可以試，好開胃！
雞件唔會偏埋一部分，雞腿、雞翼、雞胸、純雞肉都有，而且每款數量平均！
雞件炸得好乾，用鐵盆上，眼見盆內既牛油紙只有少量油印，雞肉好滑但唔算肥！
甜辣炸雞
37 views
0 likes
0 comments
除左炸雞，「番炒系列」仲有泡菜煎餅同韓式炒粉絲。
小妹覺得一個好食既泡菜煎菜最緊要係有kimchi辣，kimchi 要做得好食，其次係煎得乾爽，呢間韓國餐廳係做到！幾個friend 傾下計，邊食炸雞、煎餅，邊飲燒酒農酒，加上餐廳裝修同燈光，好忘憂！
根據小妹閨蜜(韓國通)講，韓式炒粉絲重點係個醬油既味道，只能講，佢好like 呢度呢道菜既味道！小妹對粉麵飯唔多有研究，但中意食韓式粉絲，好多時候對粉絲既期望係唔會炒得太醉，呢度達到期望。
最後第一次試鐵板鰻魚，上菜既時候同鐵板燒一樣，炸炸聲，鰻魚算肥美既，但整體無咩驚喜，可能係鰻魚呢個食材既問題！？
值得一提，每次去坐唔到 塔塔米 嗰三張枱，今晚終於知道原來係要事先同waitress/ waitor們講埋單會超過最低消費，佢地就會安排到 ...
想坐塔塔米既朋友記得約多幾個朋友(4-6個)，book 位嗰陣同佢地講定喇！
Post
