Video
Read full review
2023-10-23
41 views
今晚同朋友去試吓啲特別日本野，係一間位於元朗的地鋪，位置十分方便，喺輕鐵大棠路站附近，穿過同益街市及元朗賽馬會廣場再行大約5分鐘就到。門口裝修有啲懷舊同酒吧的感覺，仲有幾枱室外座位，對於有寵物人士來講十分方便。 入到裏面，整體空間感幾好，樓底幾高，樓頂燈係用啲類似舊齒輪組成，有一種懷舊機械感。特別的是有一個成個人咁高的ironman figure。店內仲有啲Halloween裝飾，感覺幾特別。我和朋友坐喺餐廳近門口的位置，佢啲座位似用貨櫃和油桶改裝再油上唔同顔色，設計都幾特別而且坐得舒服，餐廳整體有一種工業風。 之前上網睇過呢間野係出名做親民日式料理、串燒同飲品質素唔錯。佢晚市食物好多選擇，烏冬、拉麵、壽司、小食、炸物、刺身、串燒、壽喜燒等等。牛肉壽喜燒🍲壽喜燒湯底應該係用照燒汁，湯汁甜而濃郁，上面放左幾片牛肉，蘸上生雞蛋並將之淥一陣，陣陣牛肉味散發出嚟。湯中還有配菜包括冬菇、蔬菜及彈牙粉絲吸收牛肉湯汁，吃左之後好溫暖好滿足。 自家制叉燒讚岐手打烏冬🍜我地揀左蕃茄湯底，自家制叉燒入口味濃而鬆化，手打烏冬吸收了蕃茄湯，啖啖蕃茄清香，加上原隻温泉流心蛋同其他配料，整體感覺十分完整。刺身(油
入到裏面，整體空間感幾好，樓底幾高，樓頂燈係用啲類似舊齒輪組成，有一種懷舊機械感。特別的是有一個成個人咁高的ironman figure。店內仲有啲Halloween裝飾，感覺幾特別。我和朋友坐喺餐廳近門口的位置，佢啲座位似用貨櫃和油桶改裝再油上唔同顔色，設計都幾特別而且坐得舒服，餐廳整體有一種工業風。
之前上網睇過呢間野係出名做親民日式料理、串燒同飲品質素唔錯。佢晚市食物好多選擇，烏冬、拉麵、壽司、小食、炸物、刺身、串燒、壽喜燒等等。
牛肉壽喜燒🍲
壽喜燒湯底應該係用照燒汁，湯汁甜而濃郁，上面放左幾片牛肉，蘸上生雞蛋並將之淥一陣，陣陣牛肉味散發出嚟。湯中還有配菜包括冬菇、蔬菜及彈牙粉絲吸收牛肉湯汁，吃左之後好溫暖好滿足。
自家制叉燒讚岐手打烏冬🍜
我地揀左蕃茄湯底，自家制叉燒入口味濃而鬆化，手打烏冬吸收了蕃茄湯，啖啖蕃茄清香，加上原隻温泉流心蛋同其他配料，整體感覺十分完整。
刺身(油甘魚、三文魚腩、鮮帶子)🍣
刺身都好新鮮，油甘魚同三文魚腩都做左厚切，咬落好有質感而且味道鮮甜，油份足夠。值得一提的是佢啲鮮帶子係分左幾層擺設，中間用左鮮檸檬做分隔，令到帶子食落除左有豉油青芥末味外，仲有一陣淡淡的清香檸檬酸味，出乎意料的夾同好食。值得一提的是佢啲青芥末應該係即磨的，因為食落會咬到唔同大細的顆粒，有誠意且有心思。
壽司(花之戀、三文魚籽、海膽)🍣
花之戀壽司三文魚新鮮肥美，三文魚籽壽司三文魚籽味道鮮甜，海膽壽司海膽濃郁無腥味。
脆脆鰻魚串🍢
鰻魚表面焦香，滿口魚香，配上淡淡的鹽味，魚肉燒得香甜美味，並帶有絲絲焦香，十分滋味。
燒鮑魚🦪
鮑魚連埋殼一齊燒，鮑魚燒得啱啱好，肉質鮮嫩彈牙易入口並散發純樸焦香。
飲品(活乳酸奇異果沙冰芝士奶蓋及3.6牛乳雪糕紫薯紅豆冰)🥝🍧
請注意飲品會比餐牌所顯示的大杯好多😍🤭
活乳酸奇異果沙冰芝士奶蓋佢用啤酒杯裝，真係超級大杯，上面的芝士奶蓋味道濃郁入口柔順，加埋帶酸甜的奇異果沙冰，成杯野味道芝士味加酸甜，十分特別。
3.6牛乳雪糕紫薯紅豆冰都係好大杯，個size差唔多有平時茶記紅豆冰兩杯咁大。上面有奶味香濃的3.6牛乳雪糕，中間有厚厚的紫薯沙冰，低部有一層的紅豆做底，成杯野味道有層次而獨特，當做甜品食都得，雪糕加紫薯沙冰加紅豆好邪惡。
呢間餐廳除咗好多食物選擇之外仲有好多唔同飲品選擇，下次再同朋友去試過其他野先。
Post
