三蘇記

Open Now

Now Closed

香港有雞腸麵供應嘅嘅舖頭已經越來越罕有,入嚟就緊係要叫返碗雞腸麵啦！有啲人好怕食動物脂肪,其實生桐飲食減肥都係主張高脂低碳,所以我唔係好怕食呢啲高脂內臟,食腸唔食脂就幹脆唔好食算了。從前食開尖沙咀某間老字號雞腸麵店,老實講,唔比較鼓油嘅話真係唔及呢度好味。記得一年前嘅一月未寫過三蘇記嘅食評,當時主要係彈佢個麵易稔,今次去食比我感覺個麵彈牙咗,比上年有進步。雞腸份量可以接受,佢個雞腸依舊爽滑,一啲異味都無,最鐘意係雞腸連住嘅雞脂食,呢度嘅雞腸嗰種令人齒頰留香嘅味道一試難忘,我覺得佢地嘅雞脂味係濃郁油香過尖沙咀嗰間老字號,堅係好食。