Video
Read full review
2020-04-27
264 views
呢日見天氣好(熱)，就去咗啟德郵輪碼頭(偽)郊遊，但毫無準備嘅我哋兩手空空去到，又勁肚餓，所以即刻搵嘢食。依一刻我哋先發覺原來呢到咁大，但都係得一間餐廳有開😅😅😅。餐廳個名一睇就知係親子餐廳，成人收費每位$100都唔平。不過一睇餐牌就知道要消費至呢個金額，係完全無難度哈哈...。比較估唔到嘅係餐廳主打中菜😱，因為始終做小朋友市場嘛，雞翼薯條可能會適合啲(小新講嘅)？餐牌好得意，係可以摺埋嘅，襯返餐廳個名😄。拼盤A($88)有四小碟，包括養生小木耳、甜蜜蜜南瓜、靈隱尋味素鵝同生果盤。味道唔錯嘅，不過好似無肉食🙈。而家寫先發現餐廳係咪畀漏咗份香辣口水雞我哋...，定係換咗做生果盤呢？上湯鮮茄有機豆苗($88)，叫呢個係因為見隔離枱食，好過癮咁。造型幾靚、幾可愛😍，店員仲畀咗把剪刀✂️我哋剪開個蕃茄🍅嚟食。但我唔太鍾意食豆苗，因為草青味比較重。創意牛柳年糕($128)，Wow呢碟個賣相都幾吸引，但如果唔係自己點菜，真係睇唔出呢碟係乜嚟🤣。佢有別於平日嘅炒年糕，因為年糕被切成細細粒，好有創意。呢碟真係幾好食，因為炒得夠香口，又有鑊氣。不過如果🐮牛肉大粒啲會更佳，而家唔係好夠喉。以親子餐廳來説，食
呢日見天氣好(熱)，就去咗啟德郵輪碼頭(偽)郊遊，但毫無準備嘅我哋兩手空空去到，又勁肚餓，所以即刻搵嘢食。依一刻我哋先發覺原來呢到咁大，但都係得一間餐廳有開😅😅😅。
餐廳個名一睇就知係親子餐廳，成人收費每位$100都唔平。不過一睇餐牌就知道要消費至呢個金額，係完全無難度哈哈...。比較估唔到嘅係餐廳主打中菜😱，因為始終做小朋友市場嘛，雞翼薯條可能會適合啲(小新講嘅)？
餐牌好得意，係可以摺埋嘅，襯返餐廳個名😄。
拼盤A
$88
66 views
0 likes
0 comments
拼盤A($88)有四小碟，包括養生小木耳、甜蜜蜜南瓜、靈隱尋味素鵝同生果盤。味道唔錯嘅，不過好似無肉食🙈。而家寫先發現餐廳係咪畀漏咗份香辣口水雞我哋...，定係換咗做生果盤呢？
上湯鮮茄有機豆苗
$88
26 views
0 likes
0 comments
上湯鮮茄有機豆苗($88)，叫呢個係因為見隔離枱食，好過癮咁。造型幾靚、幾可愛😍，店員仲畀咗把剪刀✂️我哋剪開個蕃茄🍅嚟食。但我唔太鍾意食豆苗，因為草青味比較重。
創意牛柳年糕
$128
24 views
0 likes
0 comments
創意牛柳年糕($128)，Wow呢碟個賣相都幾吸引，但如果唔係自己點菜，真係睇唔出呢碟係乜嚟🤣。佢有別於平日嘅炒年糕，因為年糕被切成細細粒，好有創意。呢碟真係幾好食，因為炒得夠香口，又有鑊氣。不過如果🐮牛肉大粒啲會更佳，而家唔係好夠喉。
以親子餐廳來説，食物質素都算係咁。我相信在場家庭均係醉翁之意不在酒，主要係想畀個空間小朋友玩下🎈。咁呢到確係幾繽紛嘅，有好多唔同遊樂設施，包括扮家家酒、瀡滑梯、車仔、換衫戲服同石仔池咁😊。
總括嚟講，呢到確係幾啱家庭嚟體驗一下，過一個愉快嘅週末。題外話，我見餐廳都幾識做生意，有賣野餐懶人包，等無準備嘅人喺荒島公園都能夠Chill Chill的野餐啊🍟。
Post
