Video
Read full review
2014-12-21
1506 views
將軍澳商場食肆多如天上繁星，但大多係連鎖店，出品千篇一律，個性欠奉。聽講潮人飯堂以家鄉菜做招牌，以免人云亦云，今日特別試吓呢間人氣旺盛嘅小店。一嚟點咗兩個前菜麻香海蜇併青瓜$39海蜇青瓜好一般，亦無麻油香味😑鮑魚汁扣鳳爪花生$42呢個鳳爪炆得夠腍夠入味，鮑汁中規中矩，稍鹹，整體感覺OK😁順德爹爹煎釀蓮藕餅$58係以一整片蓮藕配魚肉煎封上碟，有別於其他酒樓，將蓮藕打碎、打茸再釀入魚肉剪起，食落比較有咬口，但亦比較油膩。而且魚肉不香不滑，亦唔係配鹹魚茸，食唔出有任何順德特色。 椰汁香芋南瓜煲$66椰汁香芋其實係好大路嘅菜式，加埋南瓜齊煮亦帶出清新甜味。但可惜芋頭唔夠粉、椰汁唔夠香，而個汁都煮到雜菜煲咁水汪汪，可謂失手之作。 碧綠川椒雞$68睇個名以為係辛辣嘢，原來辣椒只係裝飾，一丁點辣味都無，不過椒味濃郁，而且雞柳泡得鮮嫩，配上芝麻粒，非常惹味。客家煎炆釀豆腐$68只係豆腐切件，釀上豬肉再以蠔油埋芡，一般家常菜式。不過不失，無甚驚喜。 經典話梅燜豬手$68話明經典，本來滿心期待。豬手燜得腍身，外表呈紅褐色，少甜，話梅味似有若無，可幸燜得夠腍，但除較乾身同顏色上嘅分別，真係食唔到特式所
將軍澳商場食肆多如天上繁星，但大多係連鎖店，出品千篇一律，個性欠奉。聽講潮人飯堂以家鄉菜做招牌，以免人云亦云，今日特別試吓呢間人氣旺盛嘅小店。
一嚟點咗兩個前菜
麻香海蜇併青瓜$39
海蜇青瓜好一般，亦無麻油香味😑
鮑魚汁扣鳳爪花生$42
呢個鳳爪炆得夠腍夠入味，鮑汁中規中矩，稍鹹，整體感覺OK😁
順德爹爹煎釀蓮藕餅$58
係以一整片蓮藕配魚肉煎封上碟，有別於其他酒樓，將蓮藕打碎、打茸再釀入魚肉剪起，食落比較有咬口，但亦比較油膩。而且魚肉不香不滑，亦唔係配鹹魚茸，食唔出有任何順德特色。
椰汁香芋南瓜煲$66
椰汁香芋其實係好大路嘅菜式，加埋南瓜齊煮亦帶出清新甜味。但可惜芋頭唔夠粉、椰汁唔夠香，而個汁都煮到雜菜煲咁水汪汪，可謂失手之作。
碧綠川椒雞$68
睇個名以為係辛辣嘢，原來辣椒只係裝飾，一丁點辣味都無，不過椒味濃郁，而且雞柳泡得鮮嫩，配上芝麻粒，非常惹味。
客家煎炆釀豆腐$68
只係豆腐切件，釀上豬肉再以蠔油埋芡，一般家常菜式。不過不失，無甚驚喜。
經典話梅燜豬手$68
話明經典，本來滿心期待。豬手燜得腍身，外表呈紅褐色，少甜，話梅味似有若無，可幸燜得夠腍，但除較乾身同顏色上嘅分別，真係食唔到特式所在。
是日入座率大概5成，惟侍應全日無事忙，除上菜外一律要三催四請先會招呼，仲要屢次漏單，好難想像爆滿時如何運作。
本人十分支持復興傳統家鄉菜色，以保存文化傳承，所以希望潮人飯堂可以洗心革面，重拾基本功，讓客人了解何謂傳統風味，得見懷舊菜的真貌。
Post
