Video
Read full review
2023-06-01
333 views
我哋推介呢一間餐廳係因為呢句說話 ”備長炭で焼きあげます” (翻譯年糕：備長炭烤製) ed小分享：備長炭係用超過1200度高溫燒制而成，所以炭入邊嘅水份和硫磺相對較少，燃燒嘅時候唔會產生咁多灰和煙連褲喺食物sir，而且備長炭所產生嘅火焰相對一般炭火高溫，能夠喺烹調過程中，令到整件食物內外受熱均勻，唔會燒到表面燶晒而入邊未熟。而日式燒雞串係日本傳統食物，講究嘅位有兩個，第一廚師嘅用料配搭及調味，第二即叫即燒。而呢間餐廳就絕對滿足到以上要求😍 每一串嘅價錢大約由$30至$60左右，相對有特色嘅我哋會推介：Gizzard 砂肝、Liver 雞肝、Skin 雞皮：燒雞嘅內臟，真係好考師傅嘅功力，特別係對火候嘅控制，太老就起柴，太生就對食客危險，太鹹就搶哂相應嘅味道，佢哋呢三款都燒得好出色，必試👍🏻 (唯獨是燒雞皮係汁燒，其餘兩款都係鹽燒)Pork Belly 燒腩肉：厚切，面頭放咗少少柚子胡椒，中和返個油膩，口感爽脆Asparagus Roll 豬肉蘆筍卷：燒得好好，調味唔錯，蘆筍中後段燒得都夠juicy，不過蘆筍頭相對燒得較老，少少扣分🤏🏻Egg Roll 玉子串燒：玉子調味剛剛好，不會太甜
我哋推介呢一間餐廳係因為呢句說話 ”備長炭で焼きあげます” (翻譯年糕：備長炭烤製) ed小分享：備長炭係用超過1200度高溫燒制而成，所以炭入邊嘅水份和硫磺相對較少，燃燒嘅時候唔會產生咁多灰和煙連褲喺食物sir，而且備長炭所產生嘅火焰相對一般炭火高溫，能夠喺烹調過程中，令到整件食物內外受熱均勻，唔會燒到表面燶晒而入邊未熟。而日式燒雞串係日本傳統食物，講究嘅位有兩個，第一廚師嘅用料配搭及調味，第二即叫即燒。而呢間餐廳就絕對滿足到以上要求😍 每一串嘅價錢大約由$30至$60左右，相對有特色嘅我哋會推介：
Gizzard 砂肝、Liver 雞肝、Skin 雞皮：燒雞嘅內臟，真係好考師傅嘅功力，特別係對火候嘅控制，太老就起柴，太生就對食客危險，太鹹就搶哂相應嘅味道，佢哋呢三款都燒得好出色，必試👍🏻 (唯獨是燒雞皮係汁燒，其餘兩款都係鹽燒)Pork Belly 燒腩肉：厚切，面頭放咗少少柚子胡椒，中和返個油膩，口感爽脆
Asparagus Roll 豬肉蘆筍卷：燒得好好，調味唔錯，蘆筍中後段燒得都夠juicy，不過蘆筍頭相對燒得較老，少少扣分🤏🏻
Egg Roll 玉子串燒：玉子調味剛剛好，不會太甜，上面再放上一堆白蘿蔔蓉，最後淋上少少燒汁，食落去，口感平衡，蘿蔔蓉帶嚟嘅小小清新好有效咁中和返個油膩🥹
Chicken & Egg rice 親子丼：蛋黃和雞肉混合一齊撈飯一流，味道好出色，又好飽肚。唯一問題係有啲飯相對較硬，甚至乎未熟，不過都明嘅，師傅主打燒烤嘛🤣
Quail Egg 鵪鶉蛋：呢個真係好食到黐線，細細粒雞蛋，細細粒蛋黃，師傅可以燒到三粒都流心😱
Green Onion Roll 青蔥雞卷：估唔到雞肉和蔥係咁夾，食完之後齒頰留蔥香
Ginkgo 銀杏：燒得甘香，落少少鹽，簡簡單單，食落去冇苦澀味，我哋相信係日本銀杏，對身體好又好食
Soft bones 雞軟骨：佢哋嘅雞軟骨係用雞胸軟骨去燒，相對大件，而唔係坊間嗰啲一粒粒。雞軟骨，仲連埋少少雞肉，口感爽脆
Tsukune 免治雞棒：雞肉混上少少雞軟骨，在沾上自家製醬油和蛋黃食落去，成件事夾得嚟又有口感，正👍🏻
一個小小嘅總結，以串燒嚟講，呢間餐廳真係好高質，而且性價比唔錯，係宵夜嘅過程我哋見到日籍師傅專心一致咁燒好每一串，我哋完全感受到佢哋嘅 “串一本に魂込めて” (翻譯年糕：把靈魂融入每一串) 嘅匠人精神，亦都襯托返佢哋餐廳名稱 - 鳥匠，鳥之匠人。我哋建議大家可以一試，唔錯的
Post
