明記 • 潮鍋 (Closed)

平時打邊爐除咗食牛，最鍾意就係食海鮮，所以同朋友揀咗喺旺角呢間有好多海鮮食嘅火鍋店😋我哋點咗至尊海鮮套餐B，又有刺身又有海鮮，再額外加咗啲牛，丸同菜，非常豐富🤣湯底我哋揀咗南瓜雞湯，覺得好夾海鮮嘅鮮味，但亦唔會太刺激搶走食材嘅味道🙆🏻‍♀️套餐嘅刺身有好多款，有三文魚，油甘魚，希靈魚，魷魚，北寄貝。本身以為火鍋店嘅刺身冇乜特別，不過原來全部都好新鮮，所以令我更期待火鍋嘅海鮮🙆🏻‍♀️海鮮拼盤非常豐富，有四款係固定，八款係根據當日合宜嘅食材由廚師發辦💁🏻‍♀️餐枱隔離有一個建議烹煮時間，俾我哋唔會煮到啲海鮮過熟而唔好食👍龍蝦肉質好厚實爽口。鮑魚同蟶子王都非常大隻，跟餐廳建議嘅烹煮時間煮，識落啱啱好唔會過熟，爽口彈牙🙆🏻‍♀️另外我都好鍾意帶子，十分鮮甜😋雖然呢度主打海鮮，但佢嘅其他配料都唔馬虎！手切牛肉雪花分布好平均，識落肥瘦剛好，牛味都好濃👍手打四寶丸包括鮮蝦丸，墨魚丸，豬肉丸同鯪魚丸。每款都好彈牙，好足料，海鮮同肉味都好出👍雜菜盤嘅款式好多，份量都比想像中多，好岩打邊爐嘅時候解一解膩😎最後打邊爐最鍾意一啲掛湯嘅食材，炸枝竹同炸魚皮係唔錯嘅選擇！