Video
Read full review
2020-11-01
639 views
呢間白色系cafe早幾個月進駐係香港大學附近，主打素食同有機飲食，飲品棄用奶製品而改以植物奶製作，所用既新鮮食材例如雞蛋🥚同蔬菜🥬黎自本地有機農場，仲強調食品係無化學、味精、添加劑同精製成分🙅🏻♀️，令人感覺天然無負擔，頗為健康咁🧐.早排去開西環就順便完成To-eat list✅，朝早9點幾去到已經滿座🪑，外籍同本地客人比例一半半而且大多以中年人士居多，可見大眾越黎越注重健康飲食🤔.Cafe每朝8至10點半都有個68蚊既light breakfast set🍴供應，價錢唔算平但合理；🥚可以揀水波蛋/炒滑蛋/純素豆腐炒粟米，再配煙三文魚🐟/意大利火腿🥓/牛油果火箭菜🥑🥬+酸種多士🥖，連一杯黑/白咖啡☕️或冷泡/熱茶🍵 .幫襯當日我地其中一杯餐飲upgrade左做latte，全部食物到齊超過10分鐘先上桌💁🏻♀️，而另一杯普通既黑咖啡☕️居然係latte之後既半個鐘都未見蹤影，追問之下先知佢地漏左單，當時我地已經食完所有食物，催左兩次先送到😠過程中幫忙跟單既個位女店員其實幾有禮貌，只係cafe出飲品既效率同埋員工落單既情況真係非常需要改善🌝***************************
呢間白色系cafe早幾個月進駐係香港大學附近，主打素食同有機飲食，飲品棄用奶製品而改以植物奶製作，所用既新鮮食材例如雞蛋🥚同蔬菜🥬黎自本地有機農場，仲強調食品係無化學、味精、添加劑同精製成分🙅🏻♀️，令人感覺天然無負擔，頗為健康咁🧐
.
早排去開西環就順便完成To-eat list✅，朝早9點幾去到已經滿座🪑，外籍同本地客人比例一半半而且大多以中年人士居多，可見大眾越黎越注重健康飲食🤔
.
Cafe每朝8至10點半都有個68蚊既light breakfast set🍴供應，價錢唔算平但合理；🥚可以揀水波蛋/炒滑蛋/純素豆腐炒粟米，再配煙三文魚🐟/意大利火腿🥓/牛油果火箭菜🥑🥬+酸種多士🥖，連一杯黑/白咖啡☕️或冷泡/熱茶🍵
.
幫襯當日我地其中一杯餐飲upgrade左做latte，全部食物到齊超過10分鐘先上桌💁🏻♀️，而另一杯普通既黑咖啡☕️居然係latte之後既半個鐘都未見蹤影，追問之下先知佢地漏左單，當時我地已經食完所有食物，催左兩次先送到😠
過程中幫忙跟單既個位女店員其實幾有禮貌，只係cafe出飲品既效率同埋員工落單既情況真係非常需要改善🌝
******************************
✨Poached egg + Smoked Norwegian Salmon + toast 🥚🐟🥖($68)
兩隻水波蛋🥚既賣相一般，有d皺皮唔算係煮得好靚既個種，雖然話係農場蛋，食落就唔太有蛋味，勝在無蛋腥味令人感覺唔係平價蛋🙊
有時係街食到既煙三文魚🐟偏油膩，而呢度既煙三文魚就無呢個問題，味道亦唔鹹唔腥，個人認為都唔錯
至於酸種多士🥖就外脆內軟，酸種味道唔會太重，係比較容易令人接受既味道🤔
-
✨ Scrambled egg + Smoked Norwegian Salmon + soughdough toast 🍳🐟🥖($68)
另一份早餐就揀左炒蛋，份量唔小應該都係有兩隻雞蛋🥚；配以蔥花黎炒口感都幾滑，可惜味道上就偏淡左d🤏🏻
-
✨Sweet Potato Coconut Pancake🍠🥥🥞 ($118)
雖然呢款人氣🔥素食pancake係menu上breakfast all the day入面既item，其實佢更加偏向甜品🥞類
Pancake成分以蕃薯🍠為主，由於並無加蛋🥚、奶🥛同牛油🧈，切開🔪時明顯感覺到佢既質感比傳統pancake煙韌但又會隨住力度而變型🧐
3層蕃薯pancake中間抹上覆盆子花生醬同夾左鮮香蕉片🍌，面頭就有楓糖漿、亞麻籽同椰子片；本來pancake食落有蕃薯淡淡既甘甜味同顆粒感都唔錯既，但係連埋果醬、花生醬、楓糖同焦糖香蕉呢幾樣味道偏甜既食材一齊食就過甜，食到一半已經覺得甜膩😕
個人認為可以一試，始終素pancake唔係咁易食到，但試完會覺得都係帶有蛋香既傳統pancake較為好食🤣
-
✨Oat milk latte☕️ (+$10)
Cafe供應杏仁奶/燕麥奶/豆奶 3款植物奶🥛，由於本身都有用開燕麥奶黎沖咖啡，幫襯當日就揀返燕麥奶🌾
呢度選用既燕麥奶味道比起自己平時飲開既兩個牌子都相對地淡，燕麥味唔算太明顯，飲落有少少唔慣😅 ，好彩奶泡打得夠幼滑拉上補下返；至於咖啡味道就比較大眾化，中規中矩唔太特別
-
✨White Coffee☕️
呢杯就係等到食完成餐都未到既咖啡😓比Black多左份熱奶on side，同樣有得揀要邊款植物奶
就咁睇杯咖啡☕️夠色水又有層咖啡油係面以為唔錯，試左一啖之後真係有d嬲🌚無諗過等左咁耐既咖啡味道居然咁難飲，味道淡到似係二次翻煮既咖啡，完全無咖啡應有既香氣，品質仲差過連鎖咖啡店既出品🤦🏻♀️
******************************👧🏻人均消費：$140
😋味道指數：2.5/5
💰抵食指數：2.5/5
🪑環境指數：3.5/5
💁🏻♀️服務指數：3.5/5
👍🏻再訪指數：2.5/5
-
📍14 SOUTH LANE
地址：西環石塘咀南里14號地舖
⏰營業時間：08:00–17:00 (Mon–Sun)
Post
