樓下冰室 (Closed)

依間樓下冰室喺荃灣來講都叫做有好多好評，咁為食嘅我當然去試吓佢值唔值啦！餐廳內在裝修都幾有特色，卡位係好傳統嘅冰室個種，有少少逼夾。叫咗個牛肉蕃茄湯通粉，先講蕃茄湯有好多軟綿綿嘅蕃茄蓉，酸酸甜甜十分開胃，牛肉都好淋，通粉細細粒都幾吸湯！常餐配嘅炒蛋份量好多，我鍾意把炒蛋放喺多士上面食！另外仲叫咗一個瑞士雞髀餐配鮮果沙律。瑞士汁略嫌有點過鹹，雞皮就好入味啦，但係雞肉就唔夠上色，但勝在餐廳都俾咗好多瑞士汁，所以切完都可以點醬汁食！鮮果沙律水果都新鮮，不過就較多薯仔。