鍋 (Closed)

大角咀真係越嚟越多小店呀！呢間韓國餐廳主打韓國鍋物🇰🇷 一場嚟到當然要試下大角咀分店限定嘅豆芽炒八爪魚牛肉鍋($398)🐙🐮 有成隻八爪魚，牛肉片、海量芽菜同年糕，份量十足，一個鍋絕對夠2-4個人share🙌🏻醬汁係韓式甜辣醬好惹味😋 店員會過嚟幫手剪開八爪魚再翻炒～牛肉食落一啲都唔韌，而且好入味！如果覺得唔夠喉，仲可以加白飯(+$15) 同芝士 (+$28)，個鍋食淨8-9成店員就幫手炒飯，仲好有心將啲飯砌成心形添🍚小食🧀炸紅薯芝士條 ($78) 芝士超級拉絲，自帶紅薯甜味🍠🍓士多啤梨牛奶沙冰 ($45) 可以揀甜度，我揀咗少甜就覺得啱啱好，飲落好香士多啤梨味唔係死甜，賣相都好靚～ 想清新啲嘅可以試下柚子梳打($45)🧊我同朋友2個食完個鍋勁飽🤰🏻 建議多啲人一齊嚟食就可以試多幾款韓國菜式🇰🇷